Spaokenburg
Spaokenburg (soms ook wel Spiekendaarp enoemd) is een plaots in 't noordoosten van de Nederlangdse previnsie Utrech. 't Was vroeger een vissersdaarp an de Zujerzee. Mit 't verdwienen van de Zujerzee verdween ok grotendeels de visserie uut 't daarp. 't Daarp leit nong an 't Iesselmeer en de haovens bestaon nog altied. Spaokenburg maokt nong saomen met de buurtsjappen Eemdiek en Zeuvenhuzen deel uut van de gemeente Bunsjoten. 't Leit in 't noorden van Amesfoort en an 't Eemmeer. 't Daarp is te bereiken via de A1.
Spaokenburg staot ok bekengd vanwege zien klejerdracht. De dracht is kerakteristiek deur de zogenaomde kraplap. Dat is een breje esteven doek over de sjoeren. Vaok het 't een kleurig bloemmotief. Nao de Tweede Wereldoorlog had zwat iedereen nog klejerdracht an (mannen, vrouwen en kingderen). Tussen 1955 en 1965 is een groot deel van de bevolking over-estapt naor 'burgerkleren'; dit zat veul makkelijker en de bevolkingsgreui is wersjienlijk van invloed eweest. In 2007 waren der nog zo'n 325 vrouwen dee klejerdracht droegen; de jonkste was 56 jaor.
Wieder is Spaokenburg bekengd van zien twee voetbalclubs, de Iesselmeervoegels (de "Rooien") en SV Spaokenburg (de "Blauwen"). Ze heuren allebei bie de beste amateurclubs van Nederlangd en kommen anno 2022/23 uut in de Tweede Divisie. De Iesselmeervoegels hebben hun aonhang veural in ouwe vissersfemilies; SV Spaokenburg is meer de club van boeren en burgers. Um wedstrijden tussen de twee (de "Spaokenburgse Derby") is altied veul te doen. Allebei de clubs bin al een keer tot de halve finale van de KNVB-beker ekommen. De clubs doen samen met Sportpark De Westmaot.
Foto-uutstalling
[bewark | bronkode bewarken]-
De haoven van Spaokenburg -
Spaokenburg -
Spaokenburgse waarf
|
Disse pagina is esjreven in 't Bunsjoots |