Slaif

Uut Wikipedia, de vrye encyklopedy
Nå navigaty springen Nå söken springen
Slaiven

n Slaif is n lepeloard woarmit vluistovven opschept worden kinnen. Dizze lepels hebben voak n laange tengel en n daipe, komvörmege kop dij wat houks op de kop zet is, woardeur man beter scheppen kin. Der binnen verschillende moaten, woarbie de groteren voak broekt worden om soep mit op te scheppen. De klainderen binnen veur bool of stip. Ien t Nederlaands bestaait den ook t woord soeplepel.

Slaiven binnen voak môkt van rostvraai metoal. Noast de vertoalen soeplepel bestaait ien t Nederlaands ook t woord pollepel. Dizzent kin ook van holt môkt wezen en gain komvörmege kop hebben. Ien t Grunnegs kin dit nait. n Slaif kin allend van metoal môkt wezen en n pollepel allend van holt.

Slaif kin ook n scheldwoord wezen veur aine dij wat slungeleg is.

Laidje van Jan Pankouk[bewark | bronkode bewarken]

Ien t Grunnegs bestaait der n laidje over Jan Pankouk woar of n slaif ien veurkomt.

Jan Pankouk, Jan Pankouk
Jan eerdappeldaif
Zat onder de toavel
En scheet ien de slaif

Leegsaksisch[bewark | bronkode bewarken]