Skeelderwiezen
De wieze woarop nen skeelder ’t hooltskool, grafiet of t pigmeant anbreg op de oondergrond. Pigmeant is n poederig stöfke dat de dinge kluur gif as t mengt wördt met een beendmiddel. Meng iej pigmeant met n vleuiboar beendmiddel dan proat wiej oawer vaarve.
Völle gebröken vuur 't sketsen oonder ölievaarve. Deep zwart en smeert onmeunig, wördt tiegnswoordig as volweardig skeelderattribuut gebroekt. Oondergroond: eagenlik köj't op alns gebroeken.
Met fiene klei emengt voormt grafiet t lood in n potlood. Iej könt der vlot nen skets met opzetten, mer kan ok heel good als volweardig skeelderattribuut worden gebroekt. Oondergroond: eagenlik köj't op alns gebroeken.
Allenig dreug pigmeant dat biej mekaar wordt eheulen duur Tragatgom. Verkriegboar in veerkaante of roonde krietjes, mer ok in potlöadjes. Neet watervaste en möt aait fikseert wörden zodat mooi blif. Achter glas met nen passe-partout der umme hen a'j t wilt inliesten. Oondergroond: eagenlik kö'j t op alns gebroeken.
Met Arabisch gom vleuiboar emaakt pigmeant, noa indreugen kan't wierniejs met water vleuiboar worden emaakt. Verkriegboar in tubetjes (vleuiboar) of napjes (vast)mer ok as potlöadjes ( met n kwäske met water op loaten lössen). Der besteed gin witte aquarelvaarve, iej gebroekt 't witte pepier doar vuur en t dreugt duurzichtig op. Neet watervaste, möt achter glas met n passe-partout worden bewaard. Verdunnen: met water. Oondergroond: op pepier en t kan ok op dook mer dan dreugt t völ laankzamer umdat t doar neet in kan trekken.
Aquarelvaarve mengt met wit heet Gouache. Disse vaarve is wa dekkend en wordt völle duur illustratoren gebroekt. Verdunnen: met water. Oondergroond: meestens op pepier.
Allenig pigmeant met water. Duurdat t op natte pleaster (kalk) broekt wörd, deent t kalk as beendmiddel.
öllievaarve is 'n vaarvesoorte, 'n maenksel van pigmaent in de vörme van 'n arrug fien kluurden poeder met, as beendmiddel, 'n plaantachtige dreugende öllie, meestenstieds lienöllie. Öllievaarve is vanof de 15e eewe 'n belaangriek beendmiddel op de skeelderkeuns. 't Wörden vuur 'n eerst gebroekt duur de Vlaamse Primitieven.
't Gebroek as hoesskeeldersvaarve of op d' industrie is sund 't middeln van de 20e eewe stark ofnömmen. Öllievaarve is 'n arrug völziedig vaarvesoorte, woormet zowal dekkend as traansperant warkt kan wörden. De vaarve kan in dunne gladde loagen wörden anbrach, meer der kunnen ok starke effecten bereikt wörden as de vaarve met dikte wörden verwarkt, zodät de vaarvestreken zichtboar blieft. Op extreme vörme wördt 'n impastotechniek gebroekt. 'n Spesjaal gebroek van öllievaarve is 't marmeren.
Akrylvaarve of polymeervaarve is 'n rapdreugende vaarve den bestiet oet 'n emulsie van kluurend pigmaent met 'n beendmiddel van keunsstof polymeerhars oet d' akrylgroep.
|
Dit artikel is eskreaven in et twentsk. |
|
Dit stüksken is noch mär en knöpken. Wy nöydigt ou üm dissen knop te låten bloien. |