Sierra Leone

Oet Wikipedie, de vraaie enzyklopedie
Gao naor: navigasie, zeuk
Republic of Sierra Leone
Reppubiek Sierra Leone
Vlagge van Sierra Leone
Woapn van Sierra Leone
Kaarte van Sierra Leone
Kaarte van Sierra Leone
Informasie
Sproaken Engels (offisjeel), Temne, Mende, Krio
Heufdstad Freetown
Regeringsvörm Republiek
Laand en inwonners
Oppervlakte
- Water
71.740 km²
1,1%
Inwonners
- Dichtheid
6.190.280
79,4 inw./km²
Koördinaoten 8° 29′ N, 13° 14′ WKoördinaoten: 8° N, 13° W
Oaverig
Volksleed High We Exalt Thee, Realm of the Free
Munteenheid Sierra-Leonese Leone ((SLL))
Tiedzone GMT
Web | Kode | Tel. .sl | SL | 232

Sierra Leone (offisjeel de Republiek Sierra Leone) is een laand in West-Afrika. Et ligt in et noordoosten an Guinea, in et zuudoosten an Liberië en an den Atlantiesen Oseaan in et zuudwesten. Sierra Leone hef een tropies klimaat, met verskeaidene laandskoppen van savanne töt reagenwoold. Sierra Leone is 71740 km² en der wont 6 miljoen leu. De heuwdstad is Freetown. Dit is ook de grötste stad en et ekonomies en politiek middelpeunt van et laand.

De tweede grötste stad is Bo. Aandere belangrieke steaden met mear as 100.000 inwonners zeent Kenema, Makeni en Koidu. Sierra Leone is opdeeld in veer proveensies, Noord, Oost, West en Zuud. Disse zeent wier oonderverdeeld in veerteen distrikten.

Der wont ongevear zesteen volker in Sierra Leone. Dee hebt allemoal öare egene sproake en gebroeken. De twee grötste volker dee ook et meeste te vertellen hebt, zeent de Temne en de Mende. De Temne wont vuurnamelik in et noorden, terwiel as de Mende vuural in et zuudoosten wont. Engels is de offisjele sproake van et laand, mer et Krio wörd et meest ekuierd. Disse sproake verbeendt alle volker in et laand, vuural in haandel en sosjalen ummegaank.

Et grötste geleuf in et laand is de Islam.[1] Mer de Kristelike meenderheaid hef oardig wat te vertellen. Sierra Leone steet bekeand as ene van de godsdeenstvrieje laanden van de wearld. Moslims en Kristenen köant der good met mekoar. Geleufsgeweeld keump hoaste neet vuur.

De seanten haalt Sierra Leone vuural oet mienbouw. De heuwdwelle vuur inkomsten zeent diamaanten. Doarnöast leawert Sierra Leone völle titanium en bauxiet. Ook goold is der völle te veenden en et laand hef ene van de grötste vuurröade rutiel. Sierra Leone hef de doarde grötste natuurlike hawen van de wearld. Ondaanks disse riekdom an groondstoffen, leawt 70% van leu der in oarmood.[2]

Sierra Leone wör onofhaankelik in 1961. Duur umkeuperieje in de regearing en verkwaanseling van de natuurlike groondstoffen breuk der de Börgeroorlog van Sierra Leone oet (1991 töt 2002). Et laand wör verwoost. 50.000 leu kömmen oet de tied, völle van et weagennet wör verbrökken en mear as twee miljoen leu kömmen as vluchteling in umliggende laanden te wonnen.

Duur de Ebolakrisis van 2014 köm et laand in ne humaniteare krisis. Et laand hef ne onmeundig lege leawensverwochting.

Sierra Leone is lid van völle internasjonale organisasies, zo as de Verenigde Nasies, de Afrikaanse Unie, de Ekonomiese Gemeenskop van West-Afrikaanse Stoaten, de Manorivierunie, et Gemenebest, de Afrikaanse Ontwikkelingsbaanke en de Organisasie vuur Islamitiese Samenwoarking.

Verwiezings[bewark | bronkode bewarken]

  1. 71% of Sierra Leoneans are Muslims « Oluseguntoday's Blog. Oluseguntoday.wordpress.com (13 Oktober 2009). Bekekken op 15 augustus 2012.
  2. Indexmundi.com. Sierra Leone Population below poverty line. Eskrewen op 9 januwoari 2012. bekekken op 20 mei 2012