Salinen

Uut Wikipedia, de vrye encyklopedy

Salinen bint zoltwinningsbedrieven in Duutslaand. In Nederlaand wördt ok zolt ewönnen bi'j Boekelo, maar das een aandere maniere van zoltproduksie.

Zolt[bewark | bronkode bewarken]

Hoewel der ok zolt ewönnen wördt uut zeewater, bevat de bodem op grote diepte ok zoltholdend gestiente. Over de grenze maakt ze doar gebruuk van um zolt te winnen. Het zolte water wördt op n diepte van zo'n 3000 meter op-epompt, in "Gradierwerke" verdikt en in zoltziederi'jen deur verhitting van t leste water ontdoan en edreugd tut keukenzolt.

Gradeerwarken (Gradierwerke)[bewark | bronkode bewarken]

Grote stellages (Gerüste) van eken- of grenenholten balken wördt evuld mit takkebossen van "Schwarzdorn". Bovenlanks lig een geute woar het op-epompte zolte water overlöp en deur de takkebossen rieselt. Deur de wind, die tussen de takken deurweait, wördt een groot diel van het water uutedampt, het brein wördt op-evangen in grote bakken onder het gradeerwark. Vandoar wördt het noar de zoltziederi'je epompt, woar het verder tut keukenzolt wördt verwarkt. De mieste zoltfebrieken warkt tegenwoordig heel aanders. De gradeerwarken stoat der veurnamelik as toeristiese attraksie en ok veur mensen die wat an de luchwegen hebt.

Gezoonde lucht[bewark | bronkode bewarken]

De lucht die rondumme het gradeerwark hangt is zilt, bevat dus veule zolt en is noar ze zegt heel gezond veurnamelik veur meensen mit oademhalingsproblemen; hier ku'j deur diepe oadem te halen verlichting kriegen.

Toeristies[bewark | bronkode bewarken]

De plasen in Duutslaand, woar zo'n gradeerwark stiet, hebt doar slim gebruuk van emaakt um toeristen an te trekken. Rondumme de gradeerwarken stoat lange riegen stoelen of baanken en onder leiding van een juffrouw ku'j oademhalen op kommando. Miestal is der veurmiddagens en in de noamiddag zo'n ritueel. A'j wat an de luchtwegen hebt, gef dat verlichting. t Is of ie zeelucht inoademt.

Plasen dichte bi'j Nederlaand[bewark | bronkode bewarken]

Rheine, Bad Iburg, Bad Driburg, Bad Salzuflen en Bad Rothenfelde (nl:Bad Rothenfelde), bi'jveurbeeld, bint vanuut Oost Nederlaand makkelik te berieken. De lest enuumde 2 plasen bint heel antrekkelik. Een plein mit rondumme gradeerwarken en een mooi kuurpark.

Zoltwarken in beeld[bewark | bronkode bewarken]

Dit artikel is eskreaven in et sallandsk.