Süüdjütlandsk

Uut Wikipedia, de vrye encyklopedy

Süüdjütlandsk of Süüdjütsk (synnejysk) is ne varieteit van et däänsk dee up et skyreiland Jütland wördt espröäken. De noordgrens van et taalgebeed ligt ümsgevear by de rivyr Kongeå, de süüdgrens ligt nen kilomeater of vyvtyn ten süüden van de hüüdige düütsk-däänske ryksgrens. Töt begin 20e eywe wear in de regio Angelen tüsken Flensbörg en Sleeswyk ouk noch süüdjütlandsk espröäken. Der bünt ginne gegeavens oaver et antal spreakers.

In et düütsk wördt et dialekt südjütisch of plattdänisch enöömd, in et däänsk sønderjysk of platdansk. Nevven Süüdjütlandsk bünt der dree andere jütlandske dialekten: Noordjütlandsk, Westjütlandsk en Oustjütlandsk.

Der is ne groute varieteit binnen et süüdjütlandsk, sodat et dudelik höyrbår is uut welke plaats nen spreaker kömt. Up et eiland Als wördt et plaatselike süüdjütlandske dialekt alsisk genoemd.

Verskillen tüsken Süüdjütlandsk en Standaarddäänsk[bewark | bronkode bewarken]

In et süüdjütlandsk wördet de däänske b en g uutespröäken as f en ch. Wyder hevt et süüdjütlandsk, net as et yslandsk en et nynorsk, up summige plaatsen ginne breking wår et standaarddäänsk wal breking hevt. "Ik" in et süüdjütsk is æ. Der is hyr düs ginnen j- an et woardbegin verskenen ("ik" is in et nynorsk en yslandsk eg en ég, in et sweedsk, standaarddäänsk en bokmål jag en jeg, med j). Up andere plaatsen hevt süüdjütlandsk, net as in et standaarddäänsk, wal breking: "thuus" het in et süüdjütlandsk (net as in et standaarddäänsk) hjem (düs med breking, nynorsk: heim, vorm sunder breking).

Anders dan in et standaarddäänsk hevt et süüdjütlandsk ginnen uutgang van bepåldheid (souas in alle andere noordgermaanske talen), mår en lidwoard. Sou het et huus in et standaarddäänsk huset, wårby et achtervoogsel -et bepåldheid angevt, mår in et süüdjütlandsk het et æ hus, wårby æ de bepåldheid angevt.

De oustelike varianten van et süüdjütlandsk wördet sunder stød uutespröäken.

See ouk[bewark | bronkode bewarken]

Eksterne links[bewark | bronkode bewarken]