Richard Dawkins

Uut Wikipedia, de vrye encyklopedy
Nå navigaty springen Nå söken springen
Richard Dawkins in 2009.

Clinton Richard Dawkins (Nairobi, 26. määrt 1941) is nen britsken etoloog, evolutionäär bioloog en skryver. Hee is professor in röste an et New College, Oxford en van 1995 töt 2008 de Professor vöär Publik Begrip van de Weatenskap an de Universiteit van Oxford.

Dawkins' eyrste bekendheid kreag he med syn book The Selfish Gene in 1976, wårin den term meem untstünd en wårdöär de gen-orienteerde kyk up evoluty groute nåvolging kreag. In syn book The Extended Phenotype uut 1982 köm hee med et invloodryke idee dat de fenotypiske uutwarkingen van genen nit noudsakelikerwyse bünden sint an et lyf van en organisme, mär sik wyd in de ümgeaving köänet uutstrekken. In 2006 stichten hee de Richard Dawkins Stichting vöär Reydelikheid en Weatenskap.

Wår as Dawkins wellicht de meyste bekendheid med hevt is syn uutspröäkene ateisme. Hee hevt starken kritik up kreationisme en intelligent untwarp. In syn book The Blind Watchmaker (1986) kümt hee in et geweyr teagen de klokkenmakersvergelyking; en argument vöär et bestån van en boavennatuurlike skepper vanweage de vöälvold en ingewikkeldheid van leavende organismen. hee beskrivt evolutionäre processen an de hande van ne vergelyking med nen blinden klokkenmaker; vöördplantting, mutaty en natuurköäse sint unbestüürde processen. In The God Delusion uut 2006 bewäärden Dawkins dat nen boavennatuurliken skepper håste seaker nit besteyt en dat religiöös gelöyv en waanidee is.

Dawkins hevt verskillende prysen vöär weatenskap en skryverye wünnen. Hee kümt regelmåtig vöär de televisy, radio en up internet en hevt et dan vöärnamelik oaver syne böke, ateisme en syne ideen en meyningen as publiken geleyrden.

Bökelyste[bewark | bronkode bewarken]

  • The Selfish Gene (1967) (Et selvsüchtige gen)
  • The Extended Phenotype (1982) (Et uutebreide fenotype)
  • The Blind Watchmaker (1986) (Den blinden klokkenmaker)
  • The God Delusion (2006) (God as waanidee)