Ateisme

Uut Wikipedia, de vrye encyklopedy

Ateisme is de afweasigheid van 'n gelöyv in 'n höygere macht of god. Anhangers verwoordet et vake as ne oavertüging dat der ginnen god besteyt'. Et steyt teagenoaver teisme, wat der vanuut geyt dat der 'minstens eynen god besteyt'. Teagenstrydig genog kan ouk disse holding as ne 'gelöyvsoavertüging' eseen worden.

Der sint filosofiske, sociologiske en geskydkünnige argumenten vöär ateisme. Vaste bereydeneringen teagen et bestån van höygere machten sint under meyr 'n gebrek an nåkykbår en unumstoatelik bewys, et feit dat der 'slechte' dinge in de wearld geböärt as god allens weat en enkel good is, et probleem dat gelöyve en profeten mekander teagenspreaket, et probleem dat wat koncepten nit nå te metten valt, en et argument dat der lüde sint dee nu eynmål nit gelöyvet.

Ümdat ateisme ginne vastümlynde oavertüging is, sint der ouk ginne vaste leavregels vöär ateisten.