Raandstadproveensie

Uut Wikipedie, de vrye encyklopedy
Naar navigatie springen Naar zoeken springen
De Raandstadproveensie, woarbiej Goeree-Overflakkee noar Zeeland ebrach is.

De Raandstadproveensie was in idee veur ne meugelike tookömstige superproveensie in Nederlaand, bestoand uut Noord-Hollaand, Zuud-Hollaand, Utrecht en Flevolaand. In disse proveensie zeent dan veer van de vief grötste gemeanten van Neerlaand te veendn.

De proveensie Zuud-Hollaand har al an-egevn veur ne fusie van veer proveensies te wean. Ok Noord-Hollaand is veur, mear is dr ok bang veur det t dan n soart van achtntweentigst laand van Europa wörd, met mear as de helfte van t Neerlaandse BNP (Bruto Nationoale Predukt) in de haandn. Doarmet kan t dus ne monopolieposisie hebn.

Gebeed[bewark | bronkode bewarken]

Ne kaarte van de Raandstad.

t Precieze gebeed is nog nich heelmoal bekeand, mear dr zeent wal n poar verskilnde uutgaangspeuntn goande. Wal is bekeand det (deeln van) Noord-Holland, Zuud-Hollaand, Utrecht en Flevolaand drbiej komt. Ok t greune härte wörd n deil.

Woarskienlik geet Goeree-Overflakkee bie Zeelaand, umdet dit ok al zo op de rechtevoortse kaartn an-egevn steet en kultureel en taolkundig meer mit Zeelaand van doon hef, as mit Hollaand.

De meuglikheaid besteet det de Köp van Noord-Hollaand, de Noordoostpolder en Tessel of-ezonderd wordt en te hope ne nieje proveensie Waterlaand vörmen goat. Ok Lelystad hef ne grote kaans hierbie inbegrepn te wordn. Zeewolde is mear ericht op Gelderlaand en de Veluwe, dit zol wal es bie Gelderlaand könn goan heurn.

Rapport uut 2006[bewark | bronkode bewarken]

In september 2006 wör n rapport publiseerd deur n olden Unilever topman A. Burgmans. Volgens dee kommissie is disse proveensie neudig umme de Raandstad internasjonaal belangrieker te kriegn.

Ok hef de Raandstad non probleamn met besteurlike filevorming. t Rapport zegt det de besluutvörming troag geet, woardeur de Raandstad zinne ekonomiese posisie verlös.

Ok in ne kommisie onner leaiding van Wim Kok wör an-edrungn op ne Raandstadproveensie.

Kabinet Rutte 2011[bewark | bronkode bewarken]

An n anvang van 2011 dachen de proveensies Noord-Hollaand, Utrecht en Flevolaand an n saamngoan van (deeln van) de dree proveensies. t Earste halfjoar wör ekekn noar de veurdeeln en noadeeln van zo ne fusie. In t noajoar van 2011 is nog altied neet dudelik of de Raandstadproveensie dr kömp, de gemeentn Noordoostpolder en Drontn hebt in ieder geval an-egevn dat as de proveensie dr kömp dat ze lever biej Oaveriessel wilt heurn en Zeewolde hef an-egevn in dat geval lever bie Gelderlaand te heurn.[1]

Siefers[bewark | bronkode bewarken]

As de Raandstadproveensie dr kömp dan he'w doar ne laandöppervlakte van 8293 kwadroatkilometer en ne wateröppervlakte van 3702 kwadroatkilometer. t Inwonnertal is dan ongevear 7,6 miljoon, per 2005. Dit is bienoa de helfte van t Neerlaandse tal van inwonners.

Kiekt ok noar[bewark | bronkode bewarken]

Referensies[bewark | bronkode bewarken]

  1. http://www.omroepflevoland.nl/Nieuws/84673/flevoland-valt-uiteen-na-randstadfusie