Pispotjen (Calystegia sepium)

Oet Wikipedie, de vraaie enzyklopedie
Gao naor: navigasie, zeuk
Pispotjen
Pispotjen

't Pispotjen (Latien: Covolvulvus sepium of Calystegia sepium) is een vaste plaante uut de pispotjesfemilie (Convolvulaceae) en hef een grote witte bloeme. 't Is in Nederlaand de grootste inheemse bloeme. Umdat 't vake veurkump op allerlei ongewunste plaosen, wonnen 't pispotjen vake as een ruutsoorte ezien.

De plaanten Convolvulus arvensis en Cerastium arvense wonnen in 't Nedersaksisch oek vake pispotjes eneumd, umdat ze zo veule op mekaar lieken.

Waor 't veurkump[bewark | bronkode bewarken]

't Pispotjen kump veur in de gemaotigde klimaoten van 't Noordelijke halfrond zoas in Europa, Azië, Noordwest-Afrika, en Noord-Amerika, en in lanen mit een gemaotig klimaot in 't Zujelijk halfrond zoas in Australië, en Argentinië in Zuud-Amerika.

Kenmarken[bewark | bronkode bewarken]

't Pispotjen hef een lange dunne, riegende, rechsumwiendende stengel, dee richting de zunne greuit. 't Dreit zich um aandere plaanten hinne, in en deur heggen en rikkige. 't Kan een lengte bereiken van ongeveer twee tot dree meter. Onder de grond zit een wortelstekke, waovanuut een bulte scheuten naor boven schieten.

Bleui[bewark | bronkode bewarken]

't Pispotjen steet in bleui van juni tot an 't naojaor. 't Hef dan een (vuuf tot zeuven centimeter) witte (pis)potvormige bloeme. De bloeme bleuit mar ene dag, sluut zich as 't duuster wonnen of as 't regent. De deuzevruch hef één tot vier zaodjes.

Soorten[bewark | bronkode bewarken]

  • Calystegia sepium subsp. americana. Noord-Amerika.
  • Calystegia sepium subsp. angulata. Noord-Amerika.
  • Calystegia sepium subsp. appalachiana. in 't osen van Noord-Amerika.
  • Calystegia sepium subsp. binghamiae. in 't wessen van Noord-Amerika (Californië).
  • Calystegia sepium subsp. erratica. Noord-Amerika.
  • Calystegia sepium subsp. limnophila. in 't zujen van Noord-Amerika.
  • Calystegia sepium subsp. roseata. West-Europa, an de kusten. 't Hef roze bloemen.
  • Calystegia sepium subsp. sepium. Europa, Azië.
  • Calystegia sepium subsp. spectabilis. Siberië. Bloemen hemmen vake een roze kleur.

Nedersaksisch[bewark | bronkode bewarken]

Wikimedia Commons Commons: Calystegia sepium - plaetjes, filmkes en/of geluudsbestaanden.