Pinksterblom

Uut Wikipedia, de vrye encyklopedy
Pinksterblom
Pinksterblom

De pinksterblom (Cardamine pratensis) is n kruusblommege dij tot n haalve meter hoog worden kin. De plaant bluit mit lila tot rôze blommen. De kroonbloader binnen maximoal 18 milimeter laang. De plaant het n wortelrozet. De bloader binnen soamensteld. De dielbladjes van t wortelrozet binnen kört en breed en voak bochteg taand. De stengelbloader binnen smal en laang. De stengel is hol en rond. De vrucht is n haauw. Dizzent binnen bie de pinksterblom smal en hooguut 5,5 sintimeter laang.

Haauw

De plaant bluit ondaanks zien noam mit noam in de periode véúr Pinkster. t Ìnd van de moand april is meesttieds t hoogtepunt. Mit noam ien Frieslaand wordt t honnekruud, dat wél om en bie Pinkster bluit, ook wel pinksterblom nuimd.

De plaant komt veur ien graslanden, bossen en moren. Ien n omgeven dij heel nat is, komt n biezöndere aanpassen veur aan dit milieu. De dielbladjes binnen körtsteeld en begunnen al wielst ze nog aan de plaant zitten wörrelkes te vörmen. As ze van de plaant oafvalen kinnen ze uutgruien tot nije plaanten. t Zoad komt ien n liekse permanint nat milieu stoer tot ontkiemen en op dizze wieze kin de soort zok toch nog veurtplaanten.

Ien Nederlaand en Belgie is de soort slim algemain. Ze komt nog aal overaal veur. Toch is ze staark aachteruutgoan ien veurkommen. Vrogger kleurde ze veule weilanden paars op t hoogtepunt van de blui. Tegenswoordeg is ze deur de intensiveern van de laandbouw meesttieds bepaarkt tot de slootkaanten. Ook komt de plaant veur in gazons, woar ze deur t intensieve maaibeheer niet tot blui komt. As de eerste maaibeurten niet doan worden, blikt deur de uutbundege blui van pinksterblommen houveul de soort der ien veurkomt.

Gebruuk[bewark | bronkode bewarken]

Pinksterblom wer vrogger bruukt tegen veurjoarsmuuhaid deur zien hoge gehaalte aan Vitamine C. t Waarkt hoeststillend en borstrainegend. Wieder kin t bie summege vörms van sokkerziekte n gunstege uutwaarken hebben.

Nedersaksisch[bewark | bronkode bewarken]

  • Grunnegs:
    • pinksterblo(u)m
    • kievitsblo(u)m
    • koekoeksblo(u)m
  • Stellingwarfs: pinksterbloeme
  • Veluws:
    • pinksterbloem(e), -blom(me)
    • pienksterbloem(e), -blom(me)
    • (h)eileuver, (h)eilèver
    • eileversbloeme (Wezep)
    • kievietsbloem (Luntere)
    • ooievaorsbloem
    • veldkers, -kars, -kärs
    • kränebloeme (Attem)
  • Overege dialekten: opzuiken
Wikimedia Commons Commons: Pinksterblom - plaatjes, filmkes en/of gelüüdsbestanden.