Fluitekruud

Uut Wikipedia, de vrye encyklopedy
(döärstüürd vanaf "Schierling")
Fluitekruud in de barm

Fluitekruud (Anthriscus sylvestris) is n plant uut de scharmbloemefamilie (Apiaceae). Disse soort komt in Nederland algemeen veur, veural op plekken die mit gres begreuid bin. De plant komt aordig vaak veur in wegbarmen die hierdeur wit-ekleurd worren.

Fluitekruud komt van oorsprong veur in Europa, West-Azië en Noordwest-Afrika; in t zujen bie t Middellanse Zeegebied komt t veur in de hoger-elegen gebiejen. De fluitekruud is verwant an de pieterselie, de wortel, de bereklauw en de evlekte schierling.

Botaniese beschrieving[bewark | bronkode bewarken]

De scharmen bin samen-esteld uut witte bloempjes die aordig vrog bleuien. De plant is behaord en kan anderhalve meter hoog worren. De stengels bin hol en egreufd en hen vaak n rooie gleui. Deurdat de stengel hol is, kan der n fluitjen van emaakt worren, hier komt de naam fluitekruud oek vandaon.

De bloem is wit en het n deursnee van drie tot vier millimeter. Elk bloempjen het n umwienseltjen en vuuf kroonblaojen, waorvan der twee kleiner bin. De bloemen vormen samen-estelde scharmen mit acht tot vuuftien scharmstraolen. De bleuiperiode loopt van april tot juni. De blaojen bin twee- tot drievoudig eveerd; de onderkant is zachtbehaord. Fluitekruud het donkerbrune, silindervormige vruchjes mit n eribde snavel.

Nedersaksies[bewark | bronkode bewarken]

Fotogallerie[bewark | bronkode bewarken]

Uutgaonde verwiezingen[bewark | bronkode bewarken]

Wikimedia Commons Commons: Fluitekruud - plaatjes, filmkes en/of gelüüdsbestanden.
Dit artikel is eskreaven in et westveluwske dialekt van Armelo, in de Algemene Nedersaksiese Schriefwieze.