Peerd

n Vul met zien moe

t Peerd (Equus caballus) is n edomestiseerd hoefdier uut de orde van de onevenhoevigen, iene van de zeuven hudige soorten uut de familie van de peeardachtigen (Equidae). De Latiense woorden equus en caballus betekent overigens alletwie "peerd". t Peerd wördt veurnamelik eholden as riej- en lastdier.

n Klein peerdtien nuumt ze n kedde of een kidde, n peerdtien kleiner as 1.45 meter wördt ok wel n ponny enuumd. n Vrouwchiespeerd hiet n mere, n männechiespeerd hiet n hingst en t kleintien van t peerd hiet n vul. n Elubte hingst nuumt ze n ruun.

Rassen

Ovver de hiele wereld bestaot der völle verschillende peerdenrassen. Oorspronkelik bestunden der gien peerdenrassen in de Ni'je Wereld, die bint pas nao de kolonisasie daorhen ebrocht. Bekende peerdenrassen uut de Lege Landen bint:

• Bels
• Ardenner
• Fries
• Grönninger
• Gelderlaander

Nedersaksies

[disse mal bewarken]

• Achterhooks: peerd
• Drèents:
  
  • pèerd (MD, ZOZ, ZWN)
  • peerd (ZWD)
  • pièerd (ZWD)
• Grunnegs:
  
  • peerd
  • daaier (= dier, gef biezöndere stoates van t peerd op t Hoogelaand aan)
• Sallaands: peerd

• Stellingwarfs: peerd
• Tweants:
  
  • peerd
  • peard (Riesn)
• Urkers: paard
• Veluws: peerd

• Graofschops: peard (Platduutse schriefwieze: Peärd)

Uutgaonde verwiezingen

Commons: Peerd - plaatjes, filmkes en/of gelüüdsbestanden.

Dit artikel is eskreaven in et sallandsk, in de Algemene Nedersaksiese Schriefwieze.