Overleg:Tweantisme

Nedersaksismes, accent en zo

Ik ken veule mèensen die Nederlaans praot mit een zwaor Nedersaksisch accent en ok wal 'rifferentiefouten' maakt (um det now skoelmeisterachtig as 'fout' te benaodrokken; ie kunt 't ok as regionaole kleur zien), mar ik ken d'r nog meer (veural jongeren netuurlijk) die in oeze streken bint geboren en getogen en 't Standerdnederlaanse accent hebt, of zölfs in meer of mindere maote een 'westers'/tillevisie-accent hebt.

Dan bint d'r ok nog wele - weer jongeren netuurlijk - die as vörms van 't Nederlaans praot daoras immigraantentalen een zwaor stempel op hebt edrokt. Zuksoort taalgebruuk is dan vake weer vaste knupt an subculturen (zoas 'gabbers' in mien skoeltied).

En wat 'rifferentiefouten' angiet, is de ienvloed van 't Nederlaans op 't Nedersaksisch veule slimmer. Eigenlijk alle platpraoters die a'k kenne, praot een stark vernederlaanst plat ('regiolectisch'), of wisselt de hiele tied maank Nederlaans en plat, det 't oe veur de ogen duzelt. Een bulte lu praot standerdnederlaans mit een zwaor Nedersaksisch accent en smiet d'r maanks een plat woord of een platte zin deurhen.

Dizze uuteenlopende menieren van taalgebruuk in 't Nedersaksisch gebied musse wi'j ies beskrieven; ik wete niet krek in wavveur artikel.

Ni'jluuseger 21:01, 3 sep 2008 (CEST)

Det heb iej good. Mear det sproakn van mekoar de wöarde leent is niks gin niejs. Ik bin zelfs van meanige det det juust t vuurtbestoan van ne sproake verzekert (a'j allene mear noar achtern kiekt (noar wo of t vrooger was) zee'j vuur oe niks (woer t met de sproake op an mut). Mangs geet t allene ten koste van rechte dialektwöarde. Ik heb probeerd um disse stielfoutn vanoet t Neersassies oogpeunt te bekiekn. Dus, wodöanig of vie ne aandere sproake woar maakt en wat vuur stielfoutn doarbie um n hook komt, en neet aandersumme. Woolters 00:07, 4 sep 2008 (CEST)