Overleg:Fransk

Ik moest et artikel opni'j schrieven. De zinsbouw was wel aorig (niet vergeten et is 'bin' en niet 'binnen'), mar d'r waoren een hiele bulte woorden verkeerd schreven. In et woord 'Fraans' komt gien k veur (dus gien Fransk), 'zels' is zunder v of f, 'votkommen' is zunder r, de aa in Zwitserlaand is laang, 'tegenwoordig' doewwe zunder s, et is 'memmetael' (gien 'modertaal', van oons 'mem' en 'tael' blief je of), 'gebieden' zeggen wi'j mit ie, et is 'aandere' of 'ere' (mar nooit 'andere'), wi'j zeggen 'het' (en gien 'hevt'), et is 'twiede' (en gien 'tweede' of 'tweyde'). Ok woorden as 'grout', 'klankveranderings', 'seen', 'under meyr', 'ouk', 'neaderlandsk' en 'duusjen' kommen in et Stellingwarfs niet veur. Ik heb gien problemen mit een wat ere schriefwieze van et Stellingwarfs, mar dit het hielemaole niks mit oons tael te maeken. As d'r nog vraogen bin, dan heur ik et graeg. Hattelike groeten --Stellingwerver (overleg) 15:00, 7 jan 2022 (CET)

Sou as y weatet gebruket wy hyr seyd lange tyd de nysassiske skryvwyse, dee as ouk et stellingwarversk afdekket. Gin enkele readen vöär uwe wysigingen en allemål verklårbår. Ik draie uwe wysingen weaderümme. Woolters (overleg) 15:21, 7 jan 2022 (CET)

Dat is in de veerste veerte gien Stellingwarfs. Et liekt d'r niet iens op. Ik wol eigenlik nog veerder schrieven en hadde ok al een hiel stok klaor, mar as dit et belied van Wikipedia is, dan moe'k ergens aanders mar Stellingwarfs schrieven. --Stellingwerver (overleg) 19:39, 7 jan 2022 (CET)

Dit is Stellingwarfs, et aandere artikel niet

Et Fraans (in de taal zels: français) is een romaanske tael die votkommen is uut et Latien. Et Fransk wodt praot in Frankriek, Kanada (veural in Quebec), Belgie (veural Wallonie en Brüssel), Luxembörg, Monaco, Zwitserlaand, in vroggere Fraanse kolonies en in de tegenwoordige overzeegebieden van Frankriek. Ongeveer 274 miljoen meensken bin et Fraans machtig, waorvan zowat 76 miljoen memmetaelpraoters.

Et Fraans wiekt op een groot antal punten van de ere romaanse talen of. As eerste het et Fraans een verregaonde ofslieting van morfologische uutgaangen. Ten twiede het et Fraans een groot antal brekings en klaankveraanderings, die al in et Ooldfraans veurkwammen en in et Middelfraans deurevolueerd bin. Ten darde het et een licht keltisch substraot (wederomme te zien in een woord as quatre-vingt, "tachentig", letterlik "vier-twintig"; in de keltische taelen wodt d'r in twintigtallen teld) en een slim ingriepende Germaanse, veural Frankische, superstraot, dat him onder meer utert in de dubbele ontkennings ne ... pas, ne ... rien, ne ... personne ens.

Deurdat et Fraans een veul bruukte tael was bie de Europese elite rond de 17. tot de 19. ieuw, het et ok dudelike sporen naolaoten in et Nedersaksisch en et Nederlaans. Een paor veurbeelden daorvan bin: doesen (doucher), aveseren (avancer), buro (bureau), parmetaosie' (parentage), nivo (niveau), toilet (toilette) of bagage (bagage).

Uut et Fraans bin verschillende kreooltaelen ontstaon, een veurbeeld daorvan is et haitiaans kreools. --Stellingwerver (overleg) 19:37, 7 jan 2022 (CET)

Meskeen müt y der u eyrst es in verdepen. Woolters (overleg) 20:16, 7 jan 2022 (CET)

De schriefwieze is mi'j wel bekend. Dat moet nog niet beteken da'k goed vien. Ik heb hierboven schreven wat d'r an mankeerd. Et is gien Stellingwarfs wat daor staot. In de praothoeke he'k ok een stok daorover schreven. Graeg inhooldelik reageren. Mit hattelike groeten --Stellingwerver (overleg) 21:44, 7 jan 2022 (CET)

Gaerne wat minder kommanderen terwyl as y u hyr mär sporadisk seen låtet, dat solde my al heyl wat inskikkeliker maken. Woolters (overleg) 15:08, 8 jan 2022 (CET)

Ie hebben geliek, laowwe bi'j de inhoold blieven. Ik hadde veur disse pagina nog een hiel stok schreven. Dat doe'k altied eerst in een Word bestaand en dan kopieer ik mien tekst naor Wikipedia, om veur te kommen da'k allegeer onneudige bewarkingen deurvoeren moet. Et is veural mien angst veur de schriefwieze hier op Wikipedia da'k et now niet meer posten wil. Hoe sympatiek ik et plan ok vien om wat uut te perberen mit een ni'je schriefwieze, en ik vien et ok wakker interessaant, zie ik now dat et Stellingwarfs te veul inleveren moet. In een klein stokkien Stellingwarver tekst zie ik zo veul niet-Stellingwarfs da'k et niet negeren kan. Et vaalt mi'j gewoon op dat de schriefwieze vusen te veer von oonze tael of staot. Zoas ik al schreven hadde in de praothoeke, et Stellingwarfs funktioneert in de praktiek as een standaordtael en de Stellingwarvers bin wakker tevreden over de schrieftael. En ok al hebben wi'j vanzels oons problemen mit de tael, de schrieftael is juust iene van de dingen waowwe sukses mit hebben. Hattelike groeten --Stellingwerver (overleg) 12:14, 9 jan 2022 (CET)