Oud Groevenbeek

Oud Groevenbeek is een landgoed, dat tussen de Gelderse gemeentes Armelo en Putten inligt. 't Land hef zien naam te danken an een spreng die op 't landgoed ontspringt. Op 't 224 bunder grote landgoed staon een jugendstil landhuus, een kas, een waotertoren en verschillende biegebouwen.

De gebouwen op 't landgoed worren bewoend deur een mar paor minsen. Daornaost zitten der in de kelders van de waotertoren verschillende soorten zeldzame vleermuzen. De tuinen van 't landhuus gaon over in bossen waor vaak beuken, en soms eken, dennebomen, en lariksen overheersen. Wat 't dierenleven angeet vie-j der onder andere harten, wilde zwienen en vossen.

Oud Groevenbeek het een netwark van wandelpaojen waormee-j langes 't landhuus, de (sprengkop van de) Volenbeek en de grafheuvels op de Groevenbeekse heed lopen kunnen.