Ostara

Uut Wikipedie, de vrye encyklopedy
Gao naor: navigasie, zeuk

Ostara of Eostre (sol vandage klinken as: Oostere) is een Saksiske godinne. Sy is de godinne van de lente, et licht, de warmte en et boaven kommen van de sünne. Et feest van hör is ekarstend as Påsen.

Der wörd vake ezegd dat Ostara dezölvden is at de noordse vrüchtbaarheydsgodinne Vrya.

Påsen/Ooster[bewark | bronkode bewarken]

Op Düütsland wörd et påsfeest Ostern enüümd en in Engeland Easter. Den Geysteliken Beda Venerabilis (673-735) skreven op de temporum ratione dat de Saksen een godinne anbeden dy Eástra enüümd wörden. De månd meert wörden by eer Ésturmonath enüümd, ovwal Ostara's månd.

In et oldhoogdüüts het godinne Eástr Ostara. De ere van godinne Ostara döden de Saksen elk jår een feest, wat sy ôstartage nüümden. Ôstartage is et meervold van ôstarâ. Et feest düürden twee dagen. Et Engelsen Easter kümp van de name van de godinne Eástra en in et Düüts Ostern an godinne Ostara.

De godinne Ostara wörden allenne döör de Saksen vereerd. Vrogger vyrden sy in et noorden van et hüdige Düütsland, et oosten van et hüdige Nederland en et Angelsaksiske Engeland ok Ooster, mar de fillosofy rondümme Ostara wörden döör de karke gelyke edåne an dat van et kristelike påsen. Dårümme ok dat et in Nederland nu påsen enüümd wörd, van et jöödsen pesach feest oaver-enömmen.

By eer feest wörden der grote vüren an-estokken, as ümme de kwåde krachten vot te dryven en et weerümme kommen van de sünne te vyren. Misskyn dat der by dit feest, lyk-as by de Kelten, de mächys en de jongens mekare opsöchten by de båke ümme brommers te kyken. Op disse wysee was eer vrüchtbaarheyd lyk ok dat van et land. Et asse van et vüür wörden later oaver de landen verdeelt en eströyd, wat guud is vöör de grond.

Lente[bewark | bronkode bewarken]

Ostara is de godinne van de lentetyd. Sy verbeeld de oaverwinning van et licht en et anbrekken van de vrüchtbare tyden.

Hör name slöt dan ok op et oosten, dår wår at de sünne opkümp.

Ostara is de Godinne van de ströälende morn, et boavenkommende licht.

üüt geskrivten[bewark | bronkode bewarken]

Beda Venerabilis – een 8e eewse Angelsaksisken monnik en bybelgeleerden – nüümden de månd april 'Eosturmonath', de månd van Eostre:

Eosturmonath hevt den name dy nuu vertaald wördt as påsmånd, en dy ooyt enüümd wörden når een godinne van eer, enaamd Eostre, in wy hör eer feesten evyrd wörd in dy månd. Nuu nüümt se de påstyd met hör name en nüümt de vrögden van de nye rite met de tyd-e-eerde name van de olde gewöönte.’

In de vita Carola Magni van Einhardt (9e Ewe N.C.), de gesckydskryver van Karel de Groten wördt et woord ‘Ostarmonath’ gebrüükt vüür april. Üüt disse sinsnede wörd ehaald det Eostra ok wal Ostara enüümd wörden.

In de byb van Abdij van Corvey in Noordryn-Westfalen hebt se olde büke. Yne van dy büke styt een gedicht in, ewyd an Eostar. Disse tekste kümp üüt de 10e ewe. Et is een gebed dy vrögt når et vrüchbaar maken van de akker, et weer grüün wörden van de natüür.

Olddüüts[bewark | bronkode bewarken]

Eostar, Eostar,
Eordhan modor,
Geune these
Acera vaxeandra,
And virdhendra,
Èa cinendra,
Eluiendra,
Frida him.

Nedersaksisk[bewark | bronkode bewarken]

Oost’re, Oost’re,
Eerde moder,
Låt dissen
akker wassen
En grünen,
Hüm blöyen,
Vrücht dragen,
Vreade hüm.’

Verder bint der gyn teksten bekend oaver disse (Angel)saksiske Godinne. Op een pår plaatsnämen nå dan, so as Oosterloo, Oosterholt en so meer, künne wy hör name noch üüthalen. Misskyn dat sy by disse plaatsen eertyds anbeden wörden döör onse vöörolder.

Andere mytologyen[bewark | bronkode bewarken]

Ostara hevt enkele soortgelykige plaatsenn in mytologyen van andere plekken in de tyd en de weerld.

Mytology Godinne
Etrüskiske mytology Thesan
Greekse mytology Eos
Hinduistiske mytology Usha
Romeynse mytology Aurora
Baltiske mytology Ausrine
Slaviske mytology Oesja



Nuvola apps ksig.png Dit artikel is eskreven in t Sallaands.