Ostara

Uut Wikipedie, de vrye encyklopedy
Naar navigatie springen Naar zoeken springen

Ostara of Eostre (sol vandage klinken as: Oostere) is een sassiske godinne. Sy is de godinne van de lente, et licht, de warmte en et boven kummen van de sünne. Et veest van höyr is ekarstend as Påsen.

Der wörd vake esegd dat Ostara desülvden is as de noordse vrüchtbaarheidsgodinne Vrya.

Påsen/Ooster[bewark | bronkode bewarken]

Op Düütskland wörd et påsfeest Ostern enöömed en in Engeland Easter. Den Geysteliken Beda Venerabilis (673-735) skreaven op de temporum ratione dat de Sassen een godinne anbeaden dee Eástra enöömed wördden. De månd maert wördden by ear Ésturmonath enöömed, ovwal Ostara's månd.

In et oldhoogdüütsk het godinne Eástr Ostara. De eare van godinne Ostara döden de Saksen elk jår een feest, wat sy ôstartage nöömden. Ôstartage is et mearvold van ôstarâ. Et feest duurden twey dagen. Et Engelsen Easter kümt van de name van de godinne Eástra en in et düütsk Ostern an godinne Ostara.

De godinne Ostara wördden alleyne döär de Sassen vereerd. Vrogger veerden sy in et noorden van et hüdige Düütskland, et oosten van et hüdige Neaderland en et Angelsassiske Engeland ouk Ooster, mar de filosofy rundümme Ostara wördden döär de karke gelyke edåne an dat van et kristelike påsen. Dårümme ouk dat et in Neaderland nu påsen enöömd wörd, van et jöödsen pesach feest oaverenöämen.

By ear feest wördden der grote vüren an-estöäken, as ümme de kwåde krachten vord te dryven en et wearümme kummen van de sünne te veren. Misskeen dat der by dit feest, lyk-as by de Kelten, de maagdys en de jungens mekare opsöchten by de båke ümme brummers te kyken. Op disse wyse was ear vrüchtbaarheud lyk ouk dat van et land. Et asse van et vüür wördden later ovaer de landen verdeylt en eströöyd, wat good is vöär de grund.

Lente[bewark | bronkode bewarken]

Ostara is de godinne van de lentetyd. Sy verbeyld de oaverwinning van et licht en et anbreaken van de vrüchtbare tyden.

Höyr name slöt dan ouk op et ousten, dår wår at de sünne upkümt.

Ostara is de Godinne van de strålende morgen, et bovenkummende licht.

uut geskrivten[bewark | bronkode bewarken]

Beda Venerabilis – een 8e eewse angelsassisken munnik en bybelgeleyrden – nöömden de månd april 'Eosturmonath', de månd van Eostre:

Eosturmonath hevt de name dee nu vertaald wördt as påsmånd, en dee ooyt enöömed wördden når een godinne van ear, enaamd Eostre, in wy höyr ear feesten eveerd wörd in dee månd. Nu nöömd se de påstyd med höyr name en nöömd de vröögden van de nye rite med de tyd eyrde name van de olde gewöönte.’

In de vita Carola Magni van Einhardt (9e Ewe N.C.), de geskydskryver van Karel de Groten wördt et woord ‘Ostarmonath’ gebruukt vöär april. Uut disse sinsneade wörd ehaald dat Eostra ouk wal Ostara enöömed wördden.

In de byb van Abdij van Corvey in Noordryn-Westfalen hebt se olde boken. Eyne van dee boken steyt een gedicht in, ewyd an Eostar. Disse tekste kümt uut de 10e ewe. Et is een gebed dee vrögt når et vrüchbaar maken van de akker, et wear gröön wörden van de natüür.

Olddüütsk[bewark | bronkode bewarken]

Eostar, Eostar,
Eordhan modor,
Geune these
Acera vaxeandra,
And virdhendra,
Èa cinendra,
Eluiendra,
Frida him.

Neadersassisk[bewark | bronkode bewarken]

Oost’re, Oost’re,
Aerde moder,
Låt dissen
akker wassen
En grönen,
Hüm blööyen,
Vrücht dragen,
Vreade hüm.’

Verder bint der geyn teksten bekend oaver disse (angel)sassiske Godinne. Op een pår plaatsnamen nå dan, so as Oosterloo, Oosterholt en so mear, künnet wy höyr name noch uuthalen. Misskeen dat sy by disse plaatsen eartyds anbeaden wördden döär unse vöärolder.

Andere mytologyen[bewark | bronkode bewarken]

Ostara hevt enkele soortgelykige plaatsen in mytologyen van andere plekken in de tyd en de werld.

Mytology Godinne
Etrüskiske mytology Thesan
Greekse mytology Eos
Hinduistiske mytology Usha
Romeynse mytology Aurora
Baltiske mytology Ausrine
Slaviske mytology Oesja



Nuvola apps ksig.png Dit artikel is eskreaven in et sallandsk.