Oost-Tweants

Oet Wikipedie, de vraaie enzyklopedie
Gao naor: navigasie, zeuk
Sproakgebeed van t Oost-Tweants in doonkerblauw

Oost-Tweants is ne naam veur de variaantn van t Tweants dee sprökn wordt op t noord-oostn van de denkbeeldige lien Geestern, Hengel, Oaverdeenkel. Dizze indeling is maakt deur dialektkeundige Jo Daan.

t Oost-Tweants wörd in alle deeln van Noord-Oost Tweante sprökn en kent ne gröttere eenheid wat oetsproak angeet, as bv. t Tweants-Groafskops. t Wörd sprökn in de gemeentes Deenkellaand, Tubbig, Losker, Boarn, Eanske, Oldnzel en t noordelike deel van de gemeente Hengel.

Kenmearkn[bewark | bronkode bewarken]

De belangriekste kenmearkn um te wetn da'j met Oost-Tweants te doon hebt, is t gebroek van "nich" in plaats van "neet", en veur verkleinwöar hebt ze eankelt -ke (tegnovver Tweants-Groafskops, wat ook mangs tje hef). Wieders döt t Oost-Tweants met "veur" en "deur" woar Tweants-Groafskops "vuur" en "duur" hef, en aandersumme.

Wieder döt t Oost-Tweants wat körter an as Tweants-Groafskops. Lange, lösse lettergreepn komt hoast nich veur. Ok döt Oost-Tweants zonder veurplaksels in de wearkwöar. Ok hef t Oost-Tweants gin achterplaksel in de meeste zölfstandige naamwöar.

Dit kö'j better zeen deur n veurbeeld:

Tweants-Groafskops (Wierden):

Buurt den tegel met det pötjen eem oaver de mure heen, dan köant dr de veugels better bie.

Oost-Tweants (Tubbig)

Beurt den teggel met dat pötke evn ovver de muur hen, dan könt dr de vöggel better bie.