Ooldehaske

Uut Wikipedia, de vrye encyklopedy
Naar navigatie springen Naar zoeken springen
Ooldehaske

Ooldehaske (Nederlaans: Oudehaske, Fries: Aldehaske) is een dörp dat rond de krusing Jousterweg - Badweg leit, in et oosten van de gemiente De Friese Meren in de Nederlaanse perveensie Frieslaand. Ooldehaske het omdebi'j 2.000 inwoners en is daormit wat grootte angaot et dadde dörp van disse gemiente. Et beheurde tot 2014 tot de vroggere gemiente Scharsterlaand.

Et dörp, dat tot et ontstaon van Ni'jehaske gewoon Haske hiette, is et ooldste van de veurmaolige grieteni'je en gemiente Haskerlaand. Et moet al in de 13e ieuw bestaon hebben en kreeg rond 1300 een eigen kapel. Deur de veenofgreving in et gebied, die al in de 16e ieuw gaonde was, kon et dörp heur ontwikkelen. Doe 200 jaor laeter zogenaemde Gietersen naor et gebied trokken om vene of te greven, nam et antal inwoners van beide dörpen stark toe. Disse groep meensken uut de Kop van Overiessel brocht een ni'je verveningsmethode naor Frieslaand, die grote waeterplassen tot gevolg had. Daankzi'j disse vorm van vervening is et netuurgebied Nannewied ontstaon, dat in et zuudwesten van Ooldehaske leit.

Veurmaolig schaetscoach en -kommetaoter Henk Gemser woont in Ooldehaske. Ok sc Heerenveentrainer Trond Sollied woont in Ooldehaske.

Galleri'je[bewark | bronkode bewarken]