Ni'jehaske (plak)

Uut Wikipedie, de vrye encyklopedy
Gao naor: navigasie, zeuk
Ligging van Ni'jehaske
Uutzicht op Ni'jehaske

Ni'jehaske (Nederlaans en Fries: Nijehaske) is een klein dörpien in et oosten van de gemiente De Friese Meren, in de Nederlaanse perveensie Frieslaand, legen an de Jousterweg. In et vleden wodde de naeme van et dörp nog naor et Nederlaans vertaeld as Nieuwehaske. Tegenwoordig wodt ok in et Nederlaans allienig de Friese vorm nog bruukt. Et beheurde tot 2014 tot de vroggere gemiente Scharsterlaand.

Ni'jehaske is begonnen as oostelike uutbouw van et ooldere dörp Haske, dat laeter Ooldehaske gong hieten. Disse twie dörpen vormden et centrum van de veurmaolige gemiente Haskerlaand. Deur de veenofgreving, die al in de 16e ieuw bezig was, ontwikkelde et dörp. Doe 200 jaor laeter zogenaemde Gietersen naor et gebied kwammen om vene of te greven, nam et tal inwoners van beide dörpen stark toe.

De gruui van et naobi'jlegen plak Et Vene, dat op de greens van drie gemienten lag, zurgde d'r-veur dat een groot diel van et dörp verdween. Et oorspronkelike hatte van Ni'jehaske maekt al sund de gemientelike herindieling van 1934 diel uut van Et Vene. In disse plak is een naobi'jlegen ni'jbouwwiek naor Ni'jehaske vernuumd.

Et diel van et dörp dat nog de hieltied zelsstandig is, het minder as 50 inwoners.