Old Averiest

Uut Wikipedie, de vrye encyklopedy
Naar navigatie springen Naar zoeken springen
't Karakteristieke karkien op Old Averiest

Old Averiest is een dörpien ien de Nederlaanse gemiente Hardenbarg in 't noorden van de previncie Oaveriessel, krek onder de previncie Drenthe. Töt an de gemientelijke herindieling van 2000 beheurden 't dörp töt de gemiente Averiest.

Ligging en umgeving[bewark | bronkode bewarken]

Old Averiest lig an de zuudkaante van 't previnciaole grèensreviertien de Riest, een paar kilometer ten noordwesten van De Balk. Naor de Riest, die as ten oosten van 't dörp streumt, is Old Averiest vernuumd ('Averiest' = oaver de Riest). Deur 't dörp löp de weg van De Balk hen Möppelt.

De umgeving van Old Averiest is laandelijk. Ie kunt d'r best kuiern, onder meer hen 't Spoekmeertien. 't Meertien, in een dichte bos elegen, is een uutstekende visviever.

Gebouwen en begraafplaatse[bewark | bronkode bewarken]

In de midden van 't dörp stiet 't olde hervörmde karkien, waorskienlijk al in 1290 ebouwd. Daor gef de Stichting Konserten Oud-Avereest regelmaotig koffieconcerten. Tingoaver 't karkien lig de Wheem, een netuurinformaotiecentrum van de Laandschop Oaveriessel. Van hieruut kuj excursies ondernimmen in de streek rond Old Averiest, 't Riestdal.

Wieder lig d'r een begraafplaatse mit de graven van ien Britse en twei Kannedese vliegeniers die as in de Tweide Wereldoorlog in dizze streek bint ummekomen.

Taal[bewark | bronkode bewarken]

De streektaal van Old Averiest is 't Zuudwest-Zuud-Drèents, det bi'j 't Nedersaksisch heurt.

Citaot[bewark | bronkode bewarken]

achter de Wheem, meidoorn
't jongenszwiet prikkelt
heur lief en zinne
snoevend naor umdale
de Wildenbarg, gele brem
zij wil zien locht wel stelen
op zuuk naor nectar en meer
't hart as 'n gek tekeer

Uut 't gedicht ondergaon [old averiest] deur Ria Westerhuis, in Drents Letterkundig Tiedschrift Roet, zummer 2008, blz.22

Uutgaonde verwiezing[bewark | bronkode bewarken]

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.