De Balk

Oet Wikipedie, de vraaie enzyklopedie
Gao naor: navigasie, zeuk
Bestaand:De Balk.png
Locatie van De Balk binnen de gemiente Hardenbarg

De Balk (Nederlaands: Balkbrug) is een dörpien in de gemiente Hardenbarg in 't noorden van de Nederlaanse pervincie Oaveriessel. De N377 deurkruust 't dörp, det een endtien onder de Riest, 't grèensreviertien mit Drenthe lig. In de wiendrichtings noord, oost, zuud, west lig De Balk niet wied van Zuudwolde, Hardenbarg, Ommen en Ni'jlusen. De plaatse hef 3789 ienwoners (1993 manlu en 1796 vrouwlu).

De Balk hef nauwe kontakten mit de iets noordeliker elegen buurtschop Old Averiest, daoras 't een karakterestieke Nederlaands hervörmde karke mit dielt.

Ontstaon[bewark | bronkode bewarken]

't Dörp ontstund in de eerste helfte van de neengtiende ieuw an 't kenaol de Dedemsvaort, daor waor de weg van Ommen naor Möppelt löp. De Balk krig zien name van een balk die onder een brogge in de vaort lag. Dizze balk mus teenggaon det schepen mit 'n te grote diepgaank deur de brogge zolden kunnen vaoren. 't Dörp gruuiden rapper deur de oprichting van de bedelaarskelonie van de Maatschappij van Weldadigheid in 1818 an de Ommerschaans. In 1880 kwaamp 'r een end an de kelonie en vier jaor later wördden 't rieksopvoedingsgesticht veur jongelu Veldzicht opend. In 1930 gunk de deure van 't huus toe, en in 1933 kwaamp Veldzicht in gebruuk as rieksinrichting veur ter beskikking estelden, wat 't töt vandage is.

De stoomtram[bewark | bronkode bewarken]

Van 1886 töt 1947 kwaamp de stoomtram van de Dedemsvaartsche Stoomtramweg-Maatschappij deur De Balk. Dizze tram leup van Dedemsvaort dörp naor Dedemsvaort SS, een station an 't speur Zwolle-Möppelt. In 1908 gruuiden De Balk uut töt een kneuppunt veur stoomtrams, toe as de Spoorweg-Maatschappij Meppel-Balkbrug een speurliende openden tussen Möppelt en De Balk. Dit traject hebt ze in 1939 esleuten. In de jaoren zestig is de Dedemsvaort bi'j De Balk edempt en wördden de N377 d'r oaver an-elegd. An de oostkaante van 't dörp kruust de N48 dizze weg middels een viaduct mit op- en ofritten.

An De Balk stiet een flinke meule, De Star. Ok is ter een TBS-kliniek, FPC Veldzicht. De Balk hef laandelijk in 't ni'js ewest deur ontsnappings uut dizze kliniek.

Literetuur[bewark | bronkode bewarken]

  • Seinen, J.R. & Varwijk, G.H. (samenstelling) (1983), Stap voor stap langs de Dedemsvaart met G.H. Varwijk, De Vaort: Boekhandel Rooseboom
  • Varwijk, G.H. (samenstelling) (1998), De Dedemsvaart, zijn stad, streek en dorpen, De Vaort: Boekhandel Rooseboom

Buten dizze webstee[bewark | bronkode bewarken]

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.