Oceaan

Oceaan, van Oldgrieks Ωκεανός (Okeanós), is de term die gebruukt wodt veur elk van de grootste zeeën op eerde, de wereldzeeën, die de kontinenten van mekaer scheiden. De oceanen bevatten zolt waeter en hebben heur eigen circulatie (zeestromen). Aanders as de oceanen, hebben de kleinere zeeën een bodem die bi'j een specifiek kontinent heuren (et kontinentale plat).

Der wodden vuuf oceanen onderscheiden:

de Grote Oceaan (ok Stille Oceaan, Stille Zuudzee of Pacifische Oceaan; de grootste)
de Atlantische Oceaan
de Indische Oceaan
de Zudelike Oceaan (ok Antarktische Oceaan, Zuudpoolzee of Zudelke Ieszee)
de Noordelike Ieszee (ok Arktische Oceaan; de kleinste)

Zie staon allemaole mit mekaer in verbiending, waordeur aj ok kunnen praoten van iene wereldoceaan. Mit mekaer bedekken ze zo'n 71% van et eerdoppervlak en bevatten ze zo'n 97% van et waeter op eerde.

Oceanen vormen et lieuwendiel van de hydrosfeer van de eerde. Omdat ze hitte vasteholden, bin ze van invloed op et klimaot, op weerspetronen, op 'e koolstofkringloop en op 'e waeterkringloop.

Dit stok is eschreven in et Stellingwarfs van de Kop van Overiessel.