Nei Drèents Geneutschap

Uut Wikipedia, de vrye encyklopedy
Naar navigatie springen Naar zoeken springen

't Nei Drèents Geneutschap is een in 2005 deur de Drèentse schrievers Anne Doornbos en Martin Koster op-ericht verbond det een contactpunt wil wèden veur Drèentse schrievers en aandere streektaalactivisten.

't Geneutschap is veural bekend van de jaorlijkse ludieke uutreiking van de Anfieterpries, veur een persoon of instelling die 't Drèents veuruuthelpt, en de Zoorholtpries veur wel 't tègenoaverestelde döt.

Zo kreeg in 2008 de gemiente Ogeveine de Zoorholtpries wègens de campagne 'Hoogeveen, met een hoofdletter H', intied det in 't Drèents van 't Ogeveine de H niet uutespreuken wördt. De gemiente reageerden d'r op mit een variaant op de campagne onder de titel '’t Ogeveine, met een oofdletter A', en wördden 't jaor daorop enomineerd veur de Anfieterpries.

Volmachten van 't Nei Drèents Geneutschap bint op 't mement Doornbos, Koster en Janny Roggen.

Nuvola apps ksig.png Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.