Neagelhoolt
Neagelhoolt is an de weend edreugd reundvleais. Vrooger mossn de leu t konserveern, dus leadn ze t in t zoolt, woernoa ze t an n neagel boawn n kachel of t fornuus (de wieme) höngn um te dreugn. Um de vleegn dr of te hooldn wikkeldn de leu dr vaake n kussnsloop um hen.
n Neagelhoolt wördt rechtevoort nog net as vrooger van n achterbil en n achtermoes van n koo emaakt. t Vleais wördt in estrekn met grof zoolt en spesjale kruudn. Doarnoa wördt t vleais n poar wèkke laank dreug ezeultn en in n pekelbad edoan, hermeties of eslötn en um n aandern dag edreeid. Doarnoa wördt t eankele wèkkn (mangs zelfs moandn) edreugd an de locht.
n Naamn keump van neagel en hoolt. Neagel is n spieker (woer t stukn vleais an ehöngn wördt) en hoolt beteeknt n stukn vleais. Dèt is vaake n achtermoes (t hoolt of muuskn) Neagelhoolt was vrooger n deur beleg vuur op de stoete. t Wör vaake alleene an esneedn as dr köjervolk was. Umdèt rechtevoort nog mear ongevear 20 slagers neagelhoolt maakt, is t de leste joarn ook nog aaltied deur.
Neagelhoolt is nit t zelfde as t Duutse Nagelholz, wat kort oawer de greanze wördt emaakt. Dit wördt bie 35-45°C ereukt en met speklapn umwikkeld.
Neersassies
[bewark | bronkode bewarken]- Achterhooks: neagelholt
- Tweants: neagelhoolt/-holt/-hoalt
- Ien t Grunnegs wordt t woord noagelholt broekt veur t Nederlaandse woord rookvlees (van hoesslacht)
- In 't Veluws wonnen 't woord negelhout gebruuk veur 't Nederlaanse woord rookvlees (van huusslachting)
|
Disse pagina is eskreewn in t Riesns |