Nathalie Baartman

Uut Wikipedia, de vrye encyklopedy
Nå navigaty springen Nå söken springen
Nathalie Baartman

Nathalie Baartman (Boarne, n 2den september 1973) is ne Tweantse kabaretjeare en skriewer van nöalstuks. Hee is seend 2004 gangs met kabaret, en skrif nöalstuks vuur de zöandagskraante van De Tubantia.

Leawn[bewark | bronkode bewarken]

Doo't Baartman acht joar oold was, skreef he al körte verhaalkes. Zin vuurbeeld was Oma Knots oet de tellevisieriege De Familie Knots.

Met 17 joar gung Baartman noar Niejmeagn hen psychologie, filosofie en oontwikkelingsstudies studeern. Doarnoa deud he ne opleaiding vuur dramatherapie. Oonderwiel deu he in de vrieje tied de amateurtheaterskole in Niejmeagn en deud t eerste joar van de opleaiding dramalearaar op de HKU in Utrecht.

Oeteaindelik wol he kleainkeunst maakn, en wördn an enömn op de Koningstheaterakademie in Den Bosch. Vuur zin eerste programma STAM kreeg he de perseunlikheaidspries op t Camarettenfestival 2004 en de "Voor de Leeuwen-trofee" 2005. Det is nen pries vuur lestejoars-theaterstudeantn van alle keunstenhogeskooln. Doarnoa maakn he van STAM n oawndprogramma, woer't he tusken 2006 en 2008 met duur Neerlaand gung.

April 2008 gung he an t oetprobeern met öare nieje vuurstelling LOS, woermet he oeteaindelik op de plaankn steund töt in 2010. Hee spöln in meart 2008 nog met in Girls Comedy Night.

Noajoar 2010 gung he an t probeern met t nieje programma RAAK. In dee tied deud he ook nog met in ne vrouweneindejaarsconference "Wachten op Vrijdag", woer't t volk en de pers good oawer te sprekn warn. Meart 2011 verzorgen he vuurleasmoarns vuur t Toon Tellegenfestival in Eanske.

Seend 2007 skrif Baartman vuur de Twentse Courant Tubantia nöalstuks in de zöandagkraante. Mangs dut he ook skriewn vuur TM. Wieders hef Baartman met eskreewn an de komedieriege Groote Markt 30 van RTV Oost.

Stiel[bewark | bronkode bewarken]

In zinne sjoos is Nathalie Baartman bezorgd oawer de wearld en geet hierop oawer an t filosofeern. De meeste karakters dee't he spölt leawt in vroger tiedn, wat blik oet bievuurbeeld zinne boekdaans-akt op kloompn en in kleardracht.

Sjoos[bewark | bronkode bewarken]

Oetgoande koppelings[bewark | bronkode bewarken]