De Groote Markt 30
Groote Markt 30 is ne komedieriege van RTV Oost in verskeaidene Neersassiese dialektn van de proveensie Oaweriessel, oawer n kafee in ne middelgrote stad in disse proveensie. t Spul is opnömn duur Bing Film & TV. t Wör vuurjoar 2012 elken waarkdag tweemoal oetzeundn op RTV Oost, um 19:20u en 22:20u.
Umskriewing
[bewark | bronkode bewarken]De Groote Markt was eerst n bekeand wielrennerskafee. De kleinzönne van n eersten oetbater, Geert Grotestroek, zit dr non op. t Kafee het nog Groote Markt, mer rechtevoort steet dr n lellik gebouw vuur, woerduur t feilik nit mear an de Groote Markt zelf lig.
Grotestroek hef t leewste at alns bie t oolde blif, skoonwal at he begrip at he met de tied met mut. t Leewste hef he gewoon beer met nötkes an skap, mer dr mut rechtevoort ook etn opdeend wordn. Hiervuur hef he Hanna annömn. Geert en Hanna köant nit met en nit zoonder mekaar.
t Kafee dreeinde hooldn geet nit vanzelf. Dr komt nit vulle klaantn; met n stel vaste skapzangers heuld t wal op. Hanna meant at he t wat moderner an mut pakn, mer doar wil Geert alns nog nit van weetn.
Karakters
[bewark | bronkode bewarken]Geert Grotestroek
[bewark | bronkode bewarken]Grotestroek is n oetbater van de Groote Markt 30. Hee is Tukker. Hee hef trouwd west met Ellemijn, mer den gung op de löppe met nen Duutsen oondernemmer den't in de vaarknsmest is egoan en non profesjoneel korfbaltrainer is.
Dit karakter wörd spöld duur Laus Steenbeke oet Boarn.
Hanna
[bewark | bronkode bewarken]Hanna Tibben is de tapvrouwe van De Groote Markt 30. Hee hef ook trouwd ewest, met nen kearl den't öar min maakn, woerduur't he onzeker is wördn en doar hef he nog mangs last van.
Dit karakter wörd spöld duur Ilse Warringa oet Dalsen.
Mireille
[bewark | bronkode bewarken]Mireille is de dochter van Geert. Net 18 en nit heel drok met skole. Hee is drokker met kearls.
Dit karakter wörd spöld duur Karlijn Koel.
Wilco
[bewark | bronkode bewarken]Wilco is ene van de vaste skapzängers, mer nit umdet he nen zoepzak is. Hee dut zeepkes en haanddeuks verkoopn an bedriewe en dus ook an De Groote Markt 30. Hee is vriegezel en wont bie zin moo. Toch meant he at he mear geluk met de vröwkes hef as zin vaste moat an skap: Wesley.
Dit karakter wörd spöld duur Jan Riesewijk.
Wesley
[bewark | bronkode bewarken]Wesley is nen Oaweriesselsen Surinamer. Woer't he vandan keump en wat he dut wet gin meanske, mer wal at he elken dag in t kafee keump. Wesley dut gearne wies kuiern an t skap.
Dit karakter wörd spöld duur Jeffrey Spalburg.
Sjak Balvert
[bewark | bronkode bewarken]Sjak Tito Balvert is roadslid in de gemeente. Hee hef zik of eskeaidn en hef ne eegne fraksie opricht. Hee zeg at he in t kafee keump um te heurn wat t gewone volk te zegn hef. Feitelik keump t dr op an at t gewone volk mut heurn wat hee te zegn hef.
Dit karakter wörd spöld duur Wim Schluter.
Jeanette Balvert
[bewark | bronkode bewarken]Jeannette is de net wat te jonge vrouwe van roadslid Sjak Balvert. Hee har emeand at he met Sjak wat mear te pochen zol hebn, mer det vaalt teegn. Doarumme keump he zelf regelmoatig met plännekes um Sjak wat mear anzeen te geewn. Det lukket nooit heel best. t Is n klooksten ook nit.
Dit karakter wörd spöld duur Toos Ligtenberg.
Informasie
[bewark | bronkode bewarken]De scenario's zeent skreewn duur Ger Apeldoorn, Nathalie Baartman , André Manuel, Jasper Beerthuis en Laurens ten Den. t Ankondigingsmuzieksken is skreewn en oetvoord duur André Manuel en Daniël Lohues.