Skrieverskring Noordwest-Overiessel

De Skrieverskring Noordwest-Overiessel, ok Noord-West Overiesselse Skrieverskring en ofekört as NWO-S, is een in 1996 operichte veriening veur lu die schrieft in 't Nedersaksisch van 't noordwesten van de Nederlaandse pervincie Aoveriessel. Qua streektaal wördt 't noordelijke diel van de Kop van Aoveriessel deurgaons töt 't Stellingwarfs erekend (mit de bekende ae-klaank in woorden as 'waeter'), de regio daoronder töt 't Sallaands (mit aordig wat variatie van plaatse töt plaatse), en Stapperst en Roevène töt 't Zuudwest-Zuud-Drèents.

De kring wördden opezet op initiatief van de Sluzeger schriever Klaas Würsten, die een oproep in de regiokraanten zette um streektaalschrievers bij menare te kriegen. Op de eerste bijienkomst, in de olde bieb van De Sluus, kwamen achttien mèensen of, en Würsten wördden töt veurzitter ekeuzen. De kring vaalt onder de Overiesselse Schrieversbond, daor as Würsten ok iene van de oprichters van was.

Dit stok is eschreven in 't Zuudwest-Drèents.