Mure van Hadrianus

Uut Wikipedia, de vrye encyklopedy
Mure van Hadrianus
UNESCO Wereldaarfgoudstee
Stukn van de Mure
Stukn van de Mure
Mure van Hadrianus
Laand Noord-Engelaand
Kaarte met de Mure van Antonius en Hadrianus
Kaarte met de Mure van Antonius en Hadrianus
Volgnummer 31

De Mure van Hadrianus is n Romeins bouwsel van steen en törf den at löp oawer de hele breedte van Noord-Engelaand. Dr laankshen leadn verskeaidene fortn.

t Wör in 122 n. Kr. ebouwd in opdracht van n toewmoaligen keaizer Hadrianus, as beskoarmige teegn anvaln van de Piktn, de vrogere inwonners van t hudige Skotlaand. t Is n middelstn van dree soortgelieke muurn. n Zudelikstn löp van de Clyde-rivier töt an de Forth-rivier, en n noordelikstn steet bekeand as de Mure van Antonius.

Hadrianus wol ne mear stabiele ekonomie, mear veailigheaid, en ne dudelike ofskeaidige van zin Riek. t Is de stoarkste greansliene van t Romeinse Riek. Volgens de geleardn warn de poortn bedoold as tol-postn, of as n soort douane.

Gedeeltes van de mure wördn in de loop van de tied of-ebrökn en ebroekt in bouwprojektn in de buurte, mear n groot gedeelte besteet nog; vuural t middelste gedeelte, en det kö'j loopnde of met de fietse volgen. t Is n grötstn toeristntrekker van Noord-Engelaand, woer at'e ook wal seempelweg de Romeinse Mure neumd word De mure steet seend 1987 op de wearldoarfgoodlieste van UNESCO.

Moatn[bewark | bronkode bewarken]

De mure is 117 kilometer laank. De heugte en breedte hef te maakn met de materiaaln dee't vuur t bouwn in de umgewing te veendn zeent. Oostelik van de Irthing-rivier wör de mure maakt van of-evlakte steender, en har ne heugte van vief töt zes meter, en ne breedte van 3 meter. Westelik van de Irthing-rivier wör de mure maakt van torf, en was'e 6 meter breed, en 3,5 meter hoge.

Oetgoande verbeendiges[bewark | bronkode bewarken]