Midzommerfeest

Oet Wikipedie, de vraaie enzyklopedie
Gao naor: navigasie, zeuk

't Midzommerfeest, 't Litha of ok wel de Zommerzunnewende op 21 juni verwes noar 'n Germaans feest woar de Midzommer evierd wörden. Denne wörden evierd op 24 juni, drie dagen noa d' warklike zunnewende. 't Is 't feest van n laanksten dag en 'n körtsten nacht van 't joar. Vanof disse tied wörd de dage weer körter en kump de winter körtbi-j

Geschiedenisse[bewark | bronkode bewarken]

In de 7de eewe waren Sint Eligius d' inwoners van Vlaanderen, den nog maa 'n zettie waren bekeerd töt 't Kristlike geleuf, veur 't heidense zunnewendefeest. Kristenen mochten niet metdoen an disse feestn. Later wörden dit feest, net as de winterzunnewende op 24 december ('t karstfeest), verkristlikt töt n feestdag de ere van de geboorte van Johannes n Deuper op 24 juni.

De viering van midzommernacht wörden in vrögger gelieke zet an de zommerzunnewende. De meansen geleuven dat plaanten op midzommer genezenden en magiesen krachtn hebt en hierveur plukt zi-j op dissen nacht. Vreugdevuren wörden an-estokken umme zich te bescharmen tègen de dusteren krachtn woarvan wörden geleufd dat zi-j vri-j spel haren vanof 't moment was an-ebrökken woarop 't antal uren daglicht opni-j ofnamen.

In Zweden, Finlaand en Estlaand wödt midzommeroawmp eziene as 't grootste feest van 't joar, allinnig te vergeliekn met Walpurgisnacht, Karstoavend en Ni-jjoar.

Mythelogie van Midzommer[bewark | bronkode bewarken]

Met Midzommer giet ter verhalen de rondte in oaver de göden van de Germanen. In n zommer giet dan ok 't verhaal van Balder, de god van de zunne en warmte, de rondte in. Voalgs de Germaanse mythologie löt zien twennigbreur, Hodur, Balder neerskieten deur Loki. Balder döt starvend op n grond donderen. De dagen wörd weer körter en weer kolder. Tiedens de Joeltied zal de zunne dus helemoale starven (in 't meest noordlike Europa löt de zunne drie dagen niets meer van zich zien).

Nuvola apps ksig.png Dit artikel is eskreven in t Sallaandse dialekt van 't Vechtdal, in de ANS.