Maander

Uut Wikipedia, de vrye encyklopedy
Gemeente Tubbige

Maander (meesttieds oetsprökken as Mane) is nen doarpskern in de Tweantse gemeente Tubbige. Maander hef ongevear 400 inwonners en ligt op et noorden van Vas. De belangriekste weg is de Uelserweg op Tubbig en Ulsen an. De inwonners hebt as bienaam gröppendrieters. De dreenkwatervuurroad vuur Noord-Oost Tweante keump oet Maander. [1]

Toerisme[bewark | bronkode bewarken]

"Jannink zienen beha"
Manderse grafhövvels

De belangriekste toeristentrekker van Maander is de Maanderheede en et dal van de mosbek. Aandere sties woarat völ leu opan komt zint twee olde watermöllen: de Möl van Bels en de Möl van Fraans. Biejzeunder in et laandskop zint de Cirkels van Mander, woarat 'n olden textielmagnaat Jannink een landbouwproof deu met akkerbouwen in kringvörm. Ok is biej Maander de Man van Maander vunnen; nen ofdruk van een venliek oet de steentied. Den lea kort biej et Hunebed van Maander en de Maanderse grafhövvels.

Verwiezingen[bewark | bronkode bewarken]

  1. https://web.archive.org/web/20070808232257/http://www.vitens.nl/Vitens/Projecten/Drinkwatervoorziening+Mander.htm