Leo-Stichting

Uut Wikipedia, de vrye encyklopedy
Naar navigatie springen Naar zoeken springen
Ligging van de Leo-Stichting

De Leo-Stichting (ok wel Klein-Borklo) is n klein darp twee kilometer ten zuden van Borklo. Et lig in den Geldersen Achterhook, kortbi'j de buurtschop Diekhook.

Geskiedenisse[bewark | bronkode bewarken]

Et darp is in de 18e eeuwe ebouwd deur de Rooms-kattelieke karke. Et was t landgood De Drietelaar oet de arven van Wessel van Eyll, nen Rooms-Kattelieken karkmeister oet Zutfent. In 1898 wier t darp deur de Rooms-Kattolieke karke ingewi'jd as opvangplaatse en opvoedingsgesticht veur jongs dee-t neet langer thoes wonnen konden. Het heetten toon nog Leo-Gesticht.

De Fraters van Utrecht nammen in 1908 het onderwies oaver van de Broeders van Amsterdam. Zee stichtten onder meer ne Tuinbouwskole en ne Technische Skole[1]

Tot in de joaren zeuventeg van de 20e eeuwe is dit internoat eblevven. Bi'j dit internoat was ok ne skole, huze veur de gäste, huze veur de fraters, nen kapel en nen fratertuin. Doarnoa kreg et ne bestemming as justitiële inrichting, nog altied veur jongeleu dee-t um verskeidene gronden neet thoes wonnen könt.

In de joaren zesteg en zeuventeg nammen groepsleiders goandeweg de plaatse in van de fraters. Zee wodden noar Borklo e-lokt met nen wonning, in ne tied dat der in Nederland sproake was van wonningnood. Zo kwam-p der op t terrein n wieksken met 24 huze, dee-t vanof de joaren tachteg op de vri'je markt verkocht wodden. Vanaf begin joaren tachteg trokken de fraters zich steurig meer weerumme oet het bestuur van de Leo-Stichting.

Teggenswoordeg gebroek[bewark | bronkode bewarken]

Op dit moment is Leo-Stichting, noast nen woonwiek, n internoat onder de vlagge van 's Heeren Loo, woar opsköttelingen, net zo good jongs as deerns, op-evangen wodt. Hoowal der verskeidene organisaties deur de joaren hen Leo-Stichting bestuurd hebt, is het noo meer as 100 joar n internoat woar jongeren op-evangen wodt.

Der bunt dree stichtingen aktief:

  • Commujon (onderdeel van de Leo Stichting Groep) had der n internoat veur zo'n zesteg moeilek opvoedboare kinder. Dat verhuusde in de zommer van 2008 noar Almelo.
  • Kwadrant beheert 'De Dijkhoek', n internoat veur 64 jongeleu met ne lichte verstandeleke beparking en gedragsproblemen in acht woongroepen. Doarnoast hef Kwadrant in t veurmalige fratershoes n kamertrainingscentrum veur 21 jongeren. Noa et vertrek van Commujon hef Kwadrant ziene aktiviteiten met nog ongeveer 48 opvangplekken oet-e-breid.
  • Zorg Stichting Vivence zal der nen opvang veur jongeleu met nen licht verstandeleken handikap kriegen. Doarveur bouwt CMG Investments oet Enter 24 huuskes achter et veurmalige AOC. [1]


Bronnen / wellen:
  1. 1,0 1,1 tctubantia