Leny Hamminga

Uut Wikipedia, de vrye encyklopedy
Nå navigaty springen Nå söken springen

Leny Hamminga (Zeegse, 1954) is een Drèentse skryfster vöör kynder en volwassenen. Se hef een onderwysachtergrond en hef in dey kontekst völle leedteksten en kabaretvöörstellings eskreven. Ok hef se toneylgroop Epoi in Vreeis upericht.

Höör skryverye in 't Drèents begünde do as se in 2010 mit een verhaal een skryfwedstryd van 't Huus van de Taol wün. Sinds det jår drag se verhalen by an de Drèentstalige tydskriften Oeze Volk/Maandewark (vanof 2016 Zinnig) en Roet. Höör verhalen gåt åver meinsen mit een 'rafelraandtyn', of åver ho of meinsen mit menare ümmegåt.

In 2012 verskeen van Hamminga 't kynderbook Een haand achter 't gerdien (Het Drentse Boek), det 't aandere jår enomineerd wördden vöör de Dagblad van het Noorden Streektaalpries. 't Book geyt åver een jonggyn det mit syn va even büten een Noord-Drèents dörp woont en det up süük geyt når syn mo.

In 2017 verskeen in de Linksum-reeks van Het Drentse Boek Lena, een mininovelle åver 't upgrüüyen van een kwetsbaar maagyn töt een vrouwe en moder dey 't leven neyt gemakkelk upnemp. 't Verhaal is ebaseerd op 't leven van Hamminga's grootmo en spöölt in de dreihook Grünning-Hogesaand-Assen. In 't sölvde jår wün se vöör dit book de Streektaalpries van 't Dagblad.

In april 2019 wördden Hamminga anesteld as tålskülte in de Drèentse gemeynte Tynårl. Dårmit is sy in dey gemeynte streektaalambassadöör namens 't Huus van de Taol. Wyder hef se redaktioneel wark edåne vöör verskeiden üütgaven van 't Huus: de Taolkraant en de jårgangen 2015, 2016 en 2017 van jårbook B'ART.

Bronnen[bewark | bronkode bewarken]

Nuvola apps ksig.png Dit artikel is eskreven in 't Süüdwest-Drèents van de Drèents-Åverysselse grèensstreek.