Lagos (Nigeria)

Uut Wikipedia, de vrye encyklopedy
Mushinmarkt in Lagos

Lagos (yoruba: èkó) is ne stad in Nigeria. Et is nit de höyvdstad, mär wal de grötste stad van et land en tegelyke ouk de grötste van heyl Afrika. De stad steyt wearldwyd bekend üm de unmündig härde groi. Skattingen meynet dat der alle jåren teagen de 275.000 lüde by kommet. In 2020 had de stad selv ungevear 14 miljoon inwonners, mär in de butenwyken woanet noch vöäle meyr lüde.

De oorsprung van de stad ligget up een antal eilanden in de Lagune van Lagos, mär döär den harden groi is de verstädeliking de lätste jåren töt wyd up et vasteland döäretröäken. Lagos is van oldsher ne havenstad en een vöärnaam regionaal middelpünt vöär de financiäle en kommerciäle sektoren van de nigeriaanske ekonomy. Lagos leyvert ungevaer 10% van et heyle BBP van Nigeria.

Den rappen groi höldet sikselv in stand; ümdat groute bedryve hyr öäre höyvdkantoren hebbet, trekket der vanuut heyl Afrika warksökenden up af. Hyrdöär büdt et stråtbeald groute verskillen tüsken arm en ryk.

Klimaat[bewark | bronkode bewarken]

Lagos ligt kört by den eavenaar. Dårdöär hevt et een stabil wårm klimaat. Temperaturen ligget in döärsneyde et heyle jår tüsken de 28 en 32 gråd.

Musik en filmindustry[bewark | bronkode bewarken]

Lagos is in heyl Afrika bekend üm de musikscene. De stad hevt een leavendig nachtleaven. Vöäle musikstylen sint hyr untstån, so as sakara, nigeriaansken hiphop, highlife, jùjú, fuji en afrobeat.[1]

Ouk is Lagos et middelpunt vöär de nigeriaanske filmindustry, vake andüded as Nollywood.

  1. (PDF) arterialnetwork.org. Ayodele Ganiu. "The contribution of the Creative Economy to African Cities: A Case Study of Lagos Creative Sector & Its Potential". (2011). Bekeaken up 4 April 2012. (archiveerd)