Kunsten at græde i kor

Uut Wikipedia, de vrye encyklopedy
Nå navigaty springen Nå söken springen

Kunsten at græde i kor (oavereset beteykent de titel De künst van et in (en) koor weynen) is nen däänsken roman uut et jår 2002, den Erling Jepsen eskreaven hevt. Et book is in 2006 under den sölvden titel as film uutekummen. De regissöör Peter Schønau Fog hevt et når en draibook van Bo Hansen emaked. De film is in et süüdjütlandsk edraid en wear dårum ouk in Dänemarken buten Süüdjütland med undertitels etöynd.

De film spöält in de jåren 1970 in Süüdjütland en vertelt vanuut de ougen van nen elv jår olden Allan de tragiske geskedenis van ne family, wårin et schüürt. Den vader is nen unvreendeliken man, den et der altyd oaver hevt dat hee sik wat andüt. De moder hevt et upegeaven teagen em in to gån en löt synen anval döärgån. Allan synen broder is der klår med en syne süster kan ouk neet meyr. Allan mot wat doon üm de family by mekandere to holden, want hee holdt arg vöäle van synen vader en syne heyle family. Vöär synen vader is et altyd bysunder salig, wanneyr hee up begravenissen walbespråkede doudenreden holden kan, soudat de tröörders vöäle trånen låtet. Allan düt now alles, soudat synen vader en beatken vröögde in et leaven behöldt.

De film is al in 2006 up meyrdere festivals etöynd en kwam up 27 april 2007 ouk in de bioskopen. De film hevt ne heyle ryge pryse ewönnen. Under anderen den Nawuss-Prys by et Internationale Filmfestival van San Sebastián, den Filmprys van den noordsken raad in 2007 en den juryprys in 2006 up et AFI-Festival. De film is in 2008 vöär teen Roberts up et Robert-Festival enomineerd.