Korona

Een korona is een diakritisch teken in de vorm van een kleine cirkel op een letter uut Latiense alfabet, zoas de a, u, q, w, x, y.

Et teken å komp in et Deens, Noors en Zweeds veur en wodt in disse taelen niet as een variaant van de letter a zien, mar as een apatte letter van et alfabet. Et is dan ok ongebrukelik om in verbaand mit de Skandinavische taelen van een korona te spreken. Veerder wodt de letter å ok in bepaolde variaanten van de Samische tael bruukt. Korona's wodden ok bruukt in de Vosbergenschriefwiese veur et Nedersaksisch (å veur de klaank 'ao/oa'; ů veur de klaank 'oe').

De å wodt algemien veul bruukt bi'j de spelling van streektalen, zoas et Waols. Et teken ů komt tegensworig allienig in et Tsjechisch veur. De ů wodt as een lange oe-klank uutspreuken. Vrogger wodde disse letter ok in et Litouws bruukt, mar tegensworig is e vervangen deur uo.