Koninkriek der Nederlaanden

Uut Wikipedia, de vrye encyklopedy
Nå navigaty springen Nå söken springen

Et Koaningryk der Neaderlanden (Neaderlandsk: Koninkrijk der Nederlanden) is nen suvereinen ståt den besteet uut veer landen: Neaderland, Aruba, Kurasao en Sint Mårten. Et Statuut van et Koaningryk der Neaderlanden uut 1954 reagelt de autonomy van de verskillende deylen van et koaningryk, wårdöär de Karibiske landen autonoom bünt, so dat disse medebeslisset oaver koaninkryksangeleagenheyden, wår disse ouk vöär dee landen geldet. Mår ümdat den grondwet in Neaderland wördet upestelled, treadet dat land binnen et koaningryk en når et butenland to up as verteagenwöördiger van et Koaningryk der Neaderlanden. Disse reageling wördet ümskreaven as nen verband med federåle trekken. Aruba, Kurasao en Sint Mårten hebbet elk nen eigen ståtsreageling, mår et jüridisk swårtepünt van et koninkryk ligt oaverdüdelik in Neaderland. Van 1954 töt 1975 was ouk Süriname een autonoom land binnen et koaningryk, net as de Neaderlandske Antillen tüsken 1954 en 2010.

Ståtsinrichting van et Koninkryk der Neaderlanden
Nuvola apps ksig.png Dit artikel is eskreaven in et achterhooksk, in de Nysassiske Skryvwyse.