Kizomba

Uut Wikipedie, de vrye encyklopedy
Naar navigatie springen Naar zoeken springen

Kizomba is ene van meest geleefde daans- en muziekstielen oet Angola.[1] Et ne ofleiding van tradisjonele Angolese semba, emengd met zouk en compas-muziek van de Fraanse Karaïben.[2]

Kizomba is ne moderne, zinnelike muziekstreuming op een Afrikaans ritme. Kizomba verskilt met semba duurdet et laankzamer is en zinneliker. Et wörd heuwdzakelik zungen in Portugees.[3][4]

Kizomba is et meest geleefd in Angola, Guinee-Bissau, Kaapverdië, Portugal, Mozambiek, Ekwatoriaal Guinea, São Tomé en Príncipe, Oost-Timor, Brazilië en Macau.

Bekeande Angolese kizombazängers zeent Bonga, André Mingas, Liceu Vieira Dias, Neide Van-Dúnem, Don Kikas, Calo Pascoal, Heavy C., Puto Portugues, Maya Cool, Matias Damasio, Rei Helder en Irmãos Verdades.

Oorsproonk Kizombamuziek[bewark | bronkode bewarken]

Kizomba is ontstoan in Luanda, Angola in de joaren '80 van et 20ste joarhoonderd. Et mengt tradisjonele semba met zouk en compas oet Fraans West-Indië. Angola is ne oolde Portugese kolonie, woerduur as Portugees de heuwdsproake is doar. Doarumme zeent de meeste Kizomba-nommers in dee sproake. De euldere Kizomba-nommers zeent ook wal es in et Kimboendoe en aandere nasjonale sproaken van Angola.

Rechtevoort hebt völle Kaapverdiese zängers naam maakt met Kizomba (zo as Suzanna Lubrano, Johnny Ramos en Nelson Freitas), woerduur as völle leu meant at Kizomba doar weg keump. Tradisjonele Kaapverdiese muziek is Funana, Morna, Coladeira en Batuque. Duur de compasmuziek oet de Fraanske Antillen hef det slim invlood op Angolese Kizomba. Kaapverdiese zängers maakten wier öare egene versie van zouk (duur et te mengen met coladeira). Det neumden ze cabo love, cola-dance, cola-zouk, cabo-swing of ghettozouk.

Elk laand woer as Portugees (ene van) de heuwdsproake(n) is, hef ne egene soort Kizomba.[5]

Muzikale kenmoarken[bewark | bronkode bewarken]

Kizomba is ne heuwdzakelik elektroniese muzieksoorte, baseerd op een oold Afrikaans ritme in ne 2/4- of 4/4-moatsoorte. Op den tel lig nen zwoaren bas. Doar geet nen tik oawerhen in ne dree oawer twee-stiel. Muziektechnisch is det nen slag op den eersten tel, nen zesteenden vuur den tweeden en nen achtsten noa den tweeden. Der zit dus tweemoal dreezesteende en eenmoal tweezesteende ruumte tusken de slagen. In skematiese wiergave is det als volgt:

Bas 1 _ _ _ 2 _ _ _
tik x _ _ x _ _ x _

Oonderskeid tusken Zouk en Kizomba[bewark | bronkode bewarken]

Ritmies model van de cola-zouk, 90~120 bpm.

In de joaren '80 van et 20ste joarhoonderd treuken völle Kaapverdiërs noar Fraankriek, woer as ze de compasmuziek oet de Fraanske Antillen heurden. Dit deden ze mengen met de coladeira, de tradisjonele Kaapverdiese muziek. Hierduur ontsteund de cola-zouk of de "cabo love". Dit is froai liek an Kizomba en wörd meestal in et Kaapverdies ezungen. Umdet et ritme feaitelik etzelfde is, wörd et met Kizomba verwesseld.

Umdet et zo lastig is um oonderskeid te heuren tusken de verskillende stielen, wordt ze vake op enen hoop esmetten en allemoal Kizomba neumd. Et vaalt te bewearen det Zouk in et Fraansk ezungen wörd, cabo love in Kaapverdies en Kizomba in Portugees of Kimboendoe.

Kizombafestivals[bewark | bronkode bewarken]

Der wordt hele festivals vuur kizombaleefhebbers organiseerd, zo as Afrofever, Africadancar, Budapest Kizomba Connection, Batuke!, Estonia Tallinn Salsa Congress, Austria Vienna Sexy & Sensual Latin Festival, ezw.

Referensiese[bewark | bronkode bewarken]

  1. [http://www.salsa-dancers.com/kizomba.html Kizomba. Salsa Dancers. Bekekken op 24 februwoari 2013
  2. www.kizombalove.com. Origin of kizomba. Bekekken op 3 december 2005
  3. O País. Eduardo Paim "Sou o precursor da Kizomba". Bekekken op 22 juni 2012
  4. O País Online - Artistas nacionais à conquista do mundo. Bekekken: 24 februwoari 2013.
  5. Transnational Archipelago: Perspectives on Cape Verdean Migration and Diaspora. "Cabo zouk". Bekekken: 3 december 2005.
Nuvola apps ksig.png Dit artikel is eskreaven in et twentsk.