Kim Kardashian

Uut Wikipedia, de vrye encyklopedy
Nå navigaty springen Nå söken springen
Kim Kardashian in 2018

Kimberly Noel Kardashian West (meydkensname Kardashian, den 21 oktober 1980) is ne amerikaanske mediapersöynlikheid, model, sakenvrouw, aktrice en bekend persoon. Kardashian kreag eyrste media-andacht as vreandin en styliste van Paris Hilton. Mär pas vanaf 2002 kreag se breydere bekendheid döär ne seksvideo, Kim Kardashian, Superstar, van öär den as sik oaver internet verspreidden.[1] Later in 2007 verskeynen see en öäre family in de reality-TV-ryge Keeping Up with the Kardashians. Et sukses dårvan leidden al rap töt afleidingen der van, so as Kourtney and Kim Take New York (2011-2012) en Kourtney and Kim Take Miami (2009-2013).

De lätste jåren bouwden Kim Kardashian stelselmåtig ne online en sociale media-anweasigheid up. See bereikeden dårmed hunderden miljonen volgers up Twitter en Instagram.[2][3] Se hevt verskeidene produkte med öären naam der up uutegeaven, so as et mobile spelleke Kim Kardashian: Hollywood, ne ryge an kleyder en produkten, een fotobook under de name Selfish en ne persöynlike app med öäre naam.

Dårnöäst krigt öäre verholding med den räpper Kanye West vöäle media-andacht. Et stel trouwden in 2014 en hebbet med mekander veer kinder.[4] Kardashian hevt mededåne in films so as Disaster Movie (2008), Deep in the Valley (2009) en Temptation: Confessions of a Marriage Counselor (2013).

Volgens et tydskrivt Time was Kardashian in 2015 eyne van de 100 meyst invloodryke lüde,[5] en Vogue Australie beskreav öär as "fenomeen van de popkultuur".[6] Sowal vöär- as teagenstanders nöömt öär een vöärbeald van ymand den as "bekend is ümdat he bekend is".[7][8] Volgens Forbes was see de best-betaalde televisy-persöynlikheid van 2015, med een inskatted inkoamen van sowat € 50 miljoon.[9]

  1. Pagesix.com. "The Kim Kardashian Sex Tape An Oral History".
  2. ET Online. Seemayer, Zach. "Kim Kardashian on the Success of Her Mobile App and Her Social Media Empire". etonline.com. Bekeaken up 11 juni 2016.]
  3. socialblade.com. "Top 100 Instagram Users by Followers".
  4. Caramanica, Jon.. "The Agony and the Ecstasy of Kanye West." New York Times. 10 april 2015.
  5. "Elon Musk Explains the Genius of Kanye West". 17 April 2017. Bekeaken up 19 july 2016.
  6. [http://www.vogue.com.au/fashion/news/first+look+kim+kardashian+covers+vogue+australias+june+2016+issue+,39109 Staff. "First Look: Kim Kardashian covers Vogue Australia's June 2016 issue". Vogue Australia. Bekeaken up 12 juni 2016. Skreaven up 8 mei 2016.
  7. (ARchiveerd) Scoreboard Media Group. The Paris Hilton Rule: Famous For Being Famous. Bekeaken up 13 september 2014.
  8. Wet Paint.com."Sure, She's Beautiful, but Why is Kim Kardashian Famous? Skreaven up 9 november 2013.
  9. "Kim Kardashian" Bekeaken up 6 december 2015.