Twitter

Oet Wikipedie, de vraaie enzyklopedie
Gao naor: navigasie, zeuk
Beeldmoark van Twitter

Twitter is ne webstea woerop as leu berichtjes van 140 tekens köant zetten. De webstea is bedoold as sosjaal netwerk, woermet as leu ne egene persoonlike ziede an köant maken en ne egene ofbeelding der biej köant zetten. Liek zo as det bievuurbeeld bie de profielstea Facebook geet. De leste joaren is Twitter oet egröaid töt niejs-platform. Umdet et noar verhoolding eenvooldig en rap te gebroeken is en de informasie zo beundig meugelik verteeld mut worden, is et op dit ogenblik ene van de meest geleefde middelen um belangriek niejs oet te wesseln.

Gebroek[bewark | bronkode bewarken]

Et gebroeken van Twitter wörd ook wal twitteren of tweeten eneumd, wat kwettern of tjilpen beduudt. As beeldmoark hef Twitter dan ook n kleain veugelken. Twitteren is feaitelik et biehoolden van een miniweblog, en det kan met den kompjoeter of met et mobielken.

Gebroekers geewt antwoord op de vroage: Wat doo'j? of Wat is der goans?. Ze hebt hiervuur mear 140 tekens, woerin as ze köant oetleggen wat öare gedachen zeent, of woer of ze zeent, wat ze doot, en zo wiedter. Vake kiest nen twitterder een bepoald oonderwoarp um oawer te tweeten. Leu dee as doar mear oawer weelt weetn, köant denne dan volgen.

Nen twitterder kan ook in et vuurten angewen det he oargens bie zal wean en doaroawer zal twittern, zodet de volgers op de heugte bliewt van wat den twitterder metmaakt.


Geskiedenisse[bewark | bronkode bewarken]

Twitter is op erichet in oktober 2006 duur Obvious Corp, een bedrief oet et Amerikaanse San Francisco. Twitter begun as een oonderzeuksproject binnen Odeo, ne webstea van et webbedrief Obvious van Noah Glass en Jack Dorsey. Et grote publiek kon der vuur et eerst op in2006. Twitter wun de Southwest Web Award van 2007 in de kategorieje "blog". As daankwoard har et bestuur van Twitter den volgenden tekst: "We'd like to thank you in 140 characters or less. And we just did!" ("Vie weelt oeleu bedaanken in 140 tekens of meender. En det he'w non edoan.").

Et antal gebroekers van Twitter nöm machtig too, vuural duur vlotte niejsberichten noa raampen en aandere niejheden, zo as de noodlaanding van bv. Turkish Airlines vlocht 1951 en de opstaanden noa de presideantsverkiezings in Iran in juni 2009.

Vuuranstoande Twittergebroekers zeent bv. Barack Obama, Stephen Fry, Lance Armstrong en Robert Scoble. In Neerland he'j bv. minister Maxime Verhagen, en in België is Kim Clijsters drok op Twitteren.

Op 20 november 2009 leut ZDNet weten det et viefmiljärdste twitterbericht was eskrewen, duur nen Amerikaan Robert Sloan. Hee skreef ne reaksie op nen aanderen twittergebroeker: "Oh lord". Op 5 meart 2010 wör et tienmiljärdste twitterbericht verzeunden. Et was allene nit te leazen vuur de boetenwearld, umdet den Twitteraar zin profiel hef of eskoarmd. Der wör berekkend det der ongevear 600 tweets per sekonde wordt eplaatst.[1]

In Neerlaand wör op 22 november 2009 et woard Twitteren ekeuzen as Neerlaands woard van t joar, duur t Genootschap Onze Taal.

Oetbreadingen[bewark | bronkode bewarken]

Umdet wat leu neet genog harren an de basismeugelikheden van Twitter, zeent der verskeaidene oetbreadingen vuur oontwikkeld. Een zied-oonderdeel van Twitter was TwitPic (ne ofkörting is van Twitter Picture). Met disse funksie ko'j fotoos op twitter zetten, of ze noar oew profiel steuren, zodet ze vanzelf op Twitter komt. Met det Twitter noa verloop van tied disse meugelikhead zelf toovoogn an de et standaard twitterpakket, was TwitPic neet mear neudig.

De leste joaren zit Twitter in zwoar wear. Der komt neet völle nieje gebroekers mear bie en et jonge volk kiezet vuur aandere netwoarken as instagram en snapchat. Um toch interessant te bliewen, hef Twitter vanear ne stemmeugelikheid der bie edoan. Doarmet kan nen twitterder ne minipeiling hooldn. Ne aandere oetbreaiding is de toovoging van gif-ofbeeldingen, woermet as nen twitterder een bepoald geveul kan loatn zeen.

Oetgoande verbeendige[bewark | bronkode bewarken]

Bronnen / wellen:
  1. Mashable.com "Twitter hits 10 Billion Tweets", bezocht: 5 meart 2010