Kim Kötter

Uut Wikipedia, de vrye encyklopedy
Kim Kötter (2008)

Kim Kötter (Lösser, 27 juli 1982) is n tweants model, organisatrise, pressentatrise en akteur. In 2002 wun he de Miss Universe NL modelnwedstriedn.

Loopbaan[bewark | bronkode bewarken]

Noa de legere skole in Glanerbrug hef he met nen umweg t VWO ehaald in Eanske. Tiedns de skoolexaams skreef zin vaa um in um met te doon an de Miss Tweante verkiezings. Dee wun he. Noa t exaam gung he noar Tilbörg um doar Beleids- en Organisatiewetenskopn te studeern an de Universiteat, mer noa dreekwart joar wör he oontdekt um as Miss Universe Neerlaand 2002 vuur Neerlaand oet te komn op Miss Universe verkiezings in Puerto Rico. Doar wör he gedeeld 9e met Miss India.

Hee dee ook met an de Miss Europe verkiezings in Lebbanon en wör doar veerdes. Noa n antal optreadns in Neerlaandse TV-programma's RuR, Tutti Familli, Quatro, Lotto Live, RTL Boulevard, Shownieuws, regionale umroopn ezw, wat akteerwaark in soaprieges (o.m. as t karakter "Debby" in Van Jonge Leu en Oale Groond) en Neerlaandse films, pressentasieprogramma's (zo as bievuurbeeld in t kuierprogramma van de VRT), zin eegne radioprogramma, keenderprogramma's, modelnwaark, t opnemn van en optreadn met zin eegne nommer, mer vuural noa optreadns in t boetnlaand hef he zin eegne bedriefken opstartt: Kim Kötter Lifestyle. Hiermet dut he völle organiseern vuur alle leaftiedn en hef he de rechen oawerkocht van de Miss Oaweriessel verkiezings. Hee dut ook nieje modeln en missen begeleaiden en hef ook ne eegne lifestylebladziede in de Tubantia, woervuur at he de redaksie, opmaak en adverteansies verzörgen dut. Doarnöast hef he nog n eegne modelnburo, woerbie at non 150 modeln inskreewn stoat.

Zelf dut he ook nog modelnwaark.[1]

Verwiezings[bewark | bronkode bewarken]

Wikimedia Commons Commons: Kim Kötter - plaatjes, filmkes en/of gelüüdsbestanden.
Bronnen / wellen:
  1. Kim Kötter.nl - oawer Kim. 2-12-2010