Kateker

Katekers (Sciuridae) bint ne familie van knaagdeers dee 51 geslachtn en 278 soortn keant. Doarvan komt der mer elf vuur in Uropa. Bekeande geslachtn bint de boomleupers, (Sciurus), de marmotn (Marmota) en de prearieheunde (Cynomys).

In Uropa is n roodn boomleuper (S. vulgaris) t meest bekeand. In Noord-Amerika komt ok eankelde soortn vuur, woaroonder n griezn boomleuper (S. carolinensis) n belangriekstn is. Disn boomleuper is ok invoerd in et Verenigd Keuninkriek en Italiën en hef doar as eksoot n inheemsn, völ schuchterign roodn boomleuper meestparts verdrongn. Katekers bint meesttieds oaverdag aktief, mer vleagnde katekers bint nachtdeers. Disse letste soort kömp vuur in t noordn van Finlaand en Ruslaand.

Katekers hebt meesttieds n laank, roond lief met nen langn pluumstart. Zee könt good zeen.

Neersassies

Achterhooks: kateker
Drèents:
- iekhoorn (KVD, MD, ZOZ, ZWZ, ZWN), eker-, eek- (MD, ZOZ, ZWZ, ZWN), eeik- (MD), eik- (KVD)
- kateiker, keteiker (ZOV)
Grunnegs: aikern
Sallaans:
- kateker(t), kateke of kateenker
- eker(t), iekert of boomeker
- eenkoorn (Gällemuun)
Tweants:
- boomleuper
- eakerd
- kateker(d)
- kateaker
Veluws:
- eekhoorn
- eekhoorne (Une, Vaossen, Apeldoorne)
- eekheurn (Wezep)
- ekeltjen (Nunspeet)
- eker, ekertie(n)
- eikertien (Waopenvelde)
- iekertien (Heerde)
- kateker (Apeldoorne)