Kaapse ginstkatte

Uut Wikipedia, de vrye encyklopedy
Foto van de Kaapse ginstkatte, eneumen bie de Zaandrevier in St Francisbaai

De Kaapse ginstkatte of tiegerginstkatte (Genetta tigrina) is n vleiseter, die verwaant is an de Afrikaanse linsang en an de sivetkatten. De Kaapse ginstkatte ku'j tegenkoemen vanaof Senegal tot an Soemalië an toe, en in t zujen van Namibië en in Zuud-Afrika, mer t kömp niet veur in t zuudwestelike gedeelte van de dreuge gebiejen. Net as aandere ginstkatten, is t n nacht- en boomdier.

De Kaapse ginstkatte, die in t Afrikaans de muskeljaatkat of musseljaatkat heet, lik aordig op de gewone ginstkatte (Genetta genetta), de Kaapse ginstkatte hef allenig n geelgrieze vacht mit roest-ekleurden en zwarte rozetten, en de punt van de start is zwart, bie de gewone ginstkatte is t wit. De Kaapse ginstkatten uut de dreugere gebiejen van Zuud-Afrika hebben vake n wat lochtere kleur en minder opvallende patronen, in de nattere gebiejen is dat krek aandersumme. Melanisme is n bekend verschiensel in disse soort.

t Eet knaagdieren, voegels, reptielen, vruchten, en ongewarvelde dieren. Net as alle sivetkatachtigen hef t starke geurklieren die t gebruukt um zien territorium te markeren.

De Kaapse ginstkatte is een van de soorten ginstkatten die as exoties dier ehuilen wörden in bieveurbeeld Amerika en in aandere laanden.

Uutgaonde verwiezingen[bewark | bronkode bewarken]