Jugoslavie

Jugoslavija Југославија
Vlagge van Jugoslavie	Wåpen van Jugoslavie
Ligging van Jugoslavie
Basisgegeavens
Officiele språke	Vöär 1944ː Servokroatisk/Sloveensk Nå 1944ː Servokroatisk (unofficiääl)
Höyvdstad	Belgrado
Regeringsform	Eyrst köäningryk Later republik
Geografy en bevolking
Uppervlakde	{{{km2}}} km²
Inwoanertal	23.532.279 (1991)
Koordinaten
Oaverige
Münteynheid	Jugoslavisken Dinar ({{{valutakode}}})
Tydzone	{{{tydzone}}}
Web | Kode | Tel.	.yu | YU | {{{tel}}}

Jugoslavie (/ˌjuːɡoˈslɑːviə/; servokroatisk: Jugoslavija / Југославија [juɡǒslaːʋija]; sloveensk: Jugoslavija [juɡɔˈslàːʋija]; macedonisk: Југославија [juɡɔˈsɫavija]; letterlik 'Land van de südelike Slaven') was tüsken 1918 un 1992 en land in süüdoust un midden Europa.

Jugoslavie untstünd in 1918 nå den Eyrsten Wearldoorlog. Officiääl nöömden se et et Köäningryk van Serviers, Kroaten un Slovenen. Et was nen samenvoging van et Köäningryk Servie med de Ståt van Slovenen, Kroaten un Serviers (oaverblyvende gebeden van et vöärmålige ryk Oustenryk-Hongarye). Et was et eyrste unafhangelike verbund van süüdslaviske volker nå eywenlange oaverheyrsing van under meyr et Ottomaanske Ryk un Oustenryk-Hongarye. Den eyrsten köäning was Peter I van Servie. Up den 13. july 1922 wör et köäningryk officiääl erkend by de Kunferenty van Ambassadöörs in Parys. De officiäle name Köäningryk Jugoslavie wör up den 3. oktober 1929 anenöämen.

De allieerde landen rund Nazi-Düütskland völlen Jugoslavie binnen up den 6. april 1941. In 1943 röpen dårup versetslüde Demokratisk Federaal Jugoslavie uut. In 1944 erkenden köäning Peter II vanuut syn ballingskop disse regeyring as officiääl. Do as de kommunisten et oavernöämen in 1945 deaden se de monarchy der achterhen un gavven et land nyen nameː de Federale Volksrepublyk Jugoslavie. Et nöm der de gebeden Istrie, Rijeka un Zadar by van Italie. Töt synen doud in 1980 regeyrden partisanenleider Josip Broz Tito oaver et land, eyrst as premier un later as president. In 1963 hernöömden se et land noch es, un kreag et de name de Socialistiske Federale Republyk Jugoslavie (SFRJ).

De SFRJ bestünd uut ses deylrepublikenː de Socialistiske Republyken Bosnie un Herzegovina, Kroatie, Macedonie, Montenegro, Servie un Slovenie. Binnen de de Serviske Socialistiske Republik ha'j noch weader twey autonome provincys, Vojvodina un Kosovo, dee nå 1974 årdig up lyken voot stünden med andere federale lidståten. Nå ne ekonomiske un politike krisis tüsken 1980 un 1990, un de upkumst van nationalisme un underlinge volksstryd, wör Jugoslavie upedeyld in eyrst vyv landen. Dat leidden to de oorlöge in Jugoslavie. Tüsken 1993 töt 2017 behandelden et Internationale Strafhov vöär vöärmålig Jugoslavie verskeidene politike leiders un leygerleiders vöär oorlogsmisdåden, volkermoord un andere misdåden in de oorlogsjåren.

Nå et uutmekandergån förmden Montenegro un Servie noch korten tyd de Federale Republik Jugoslavie. Dissen ståt wolde gaerne bekendstån as officiälen upvolger van de SFRJ, mär dår spröäken de andere vöärmålige republiken teagen up. Tüsken 2003 un 2006 stünden see dårümme to book as Servie un Montenegro. Dårnå güngen disse beide ståten afsünderlik voordan. In 2008 rööp Kosovo ouk de unafhangelikheid uut, mär dit wördt döär vöäle lüde noch altyd neet erkend.