Nazi-Duutslaand
.svg)
.jpg)
Mit Nazi-Duutslaand, t Daarde Riek of soms ook t Doezendjoarege Riek wordt n periode ien de geschiedenis van Duutslaand bedould dij luip van 30 jannewoari 1933 tot 8 maai 1945 onder t naziregime.
Ien dizze periode (1939) begon Nazi-Duutslaand de Twijde Wereldoorlog, dij ien Europa op 8 maai 1945 ophuil mit de kapituloatsie van Duutslaand.
De nazi's nuimden heur stoat t Daarde Riek. t Eerste Riek was t olle Haailege Reumse Riek van de Duutse Noatsie (843-1806), as Twijde Riek t Duutse Kaaizerriek (1871-1918). Volgens heur verwachtens zol t Daarde Riek (minstens) doezend joar bestoan.
Offisjeel lag de haile macht ien t Daarde Riek bie Adolf Hitler. Ien de praktiek luit hai veul over aan zien ondergeschikten. Heur bevougdheden waren nait hail dudelk vastlegd en overlapden voak mit mekoar. Der wordt wel ais zègd dat Hitler dit doulbewust dee om mit dizze verdail-en-heerspolitiek eventuele konkurrenten ien de partij mekoar dwaars zitten te loaten ien stee van dat zai hom overaal de schuld van geven zollen.
|
Schreven ien t Hoogelaandsters |