Jozef uut Arimathea

Oet Wikipedie, de vraaie enzyklopedie
Gao naor: navigasie, zeuk

Jozef uut Arimathea is nen keerl wat veurkömp in de Biebel. Hi-j was, voolgs Lucas, iene van 't Sanhedrin, mar ter nie met iens met de veroordeling van Jezua. Mooglik was e zölfs nen anhanger van Jezua, en d' eigenaar van de tune woarin dissen begraven wörden. In die tune lageb nen ni-j graf, woarin nog geniene was begraven. Noa dat Jezua uut de tied kommen op kruus vreug he an Pontius Pilatus um 't lief in zien graf te mogen begraven. Hierumme wörden Jozef vereerd deur begrafenisondernemmers, van wie e de bescharmheiligen is. Hi-j was ok hum die Jezus van 't kruus haalden en in nen linnen doek wikkelden.

De legende zeg dat Keltis kristendom op Groot-Brittannië wörden esticht deur Jozef uut Arimathea; de legende zeg ok dat koning Arthur wördt begraven op zien ruïne van nen abdij. Voolgs de legende was Jozef nen tin haandelaar dennen vake kwaam en goan noar de tinmijnen van Romeins Groot-Brittannië. De legende giet verdan met dat e zien neef, Jezua, wel nen moalen haren met enömmen op nen antal van dizze reizen. Ok hef Jozef 't bloed, wat ter uut kwaam noar dat Jezua op 't kruus in zien zied estökken wörden, in nen flesse opevangen; later wörden Jozef uut Aramathea nen eersten bewaker van de Heilige Graal.

Arimathea was nen stad in Juda. 't Zol noe Ramla of Rentis hieten.

Zien lief wördt as rillekwie vereerd op de Armeense Vank-kathedraal op Isfahan, Iran.

Zien feestdag wördt evierd op 17 meert in de roomse karke en op 31 juli in d' Orthodoxen.

Nuvola apps ksig.png Dit artikel is eskreven in t Sallaands.