Joop Munsterman

Uut Wikipedia, de vrye encyklopedy
Nå navigaty springen Nå söken springen
Joop Meunsterman

Johan Valentijn (Joop) Munsterman (Eanske, n 28sten meart 1951) is nen Tweantsen sportbesteursman en topman. Seet 2004 is he veurzitter bie FC Tweante. Meunsterman begun in de kraantnwearld en was van juli 2008 töt oktober 2010 veurzitter van de besteursroad van Könninklike Wegener NV.[1]

Loopbaan[bewark | bronkode bewarken]

Wegener[bewark | bronkode bewarken]

Meunsterman begun in 1967 as skoonmaker bie De Twentsche Courant Tubantia. Hee wearken zik op as direkteur van Tubantia en de Oostelijke weekbladpers. Dee beaide oetgeavers heurn toe al bie Wegener. Hee maakn van Tubantia ne moarnkraante en zatn de organisasie van t bedrief vanniejs op. Later köm he bie Wegener as direkteur van de hoes-an-hoesbladofdeling.

Mei 2008 wör Meunsterman woarnemnd Algemeen Direkteur van Wegener. De Britse investeringsmoatskoppieje Mecom, dee Wegener in t behear hef, leut op n 27sten juni 2008 wetn at Meunsterman as Algemeen Direkteur en veurzitter van de besteursroad was keuzn.[2] Um disse beneuming stapn de kommissoarissen Han Noten en Jaap vink op, umdat ze meann at Meunsterman de leu nich achter zik kon kriegn.[3][4] Op 5 oktober 2010 mealdn TC Tubantia at Meunsterman vortgung bie Wegener.

FC Tweante[bewark | bronkode bewarken]

Seet 2004 is Meunsterman veurzitter bie voetbalklub FC Tweante. Doarmet volgen he Herman Wessels op. De veurgoande joarn was he al bie t besteur van de klub. Hee maakn ok met dat FC Tweante hoaste oaver n kop gung. Meunsterman har de verantwoardelikheid veur "FC Twente in de steigers", n opbouwplan wat de klub mos helpn t spul wat geeld en sportieve kwaliteat betreft wier op de rieg te kriegn. Toe at um dat lukt was, köm he met t plan "FC Twente, meer dan een passend (t)huis", woermet de oetbouw van de Grolsch Veste woarheid wör. t Vervolg op dat plan köm in 2010: "Working on a dream". Hee haaln ook de trainers Fred Rutten (in 2006) en Steve McClaren (in 2008) an, wat oeteindelik zorgen at Tweante op 2 mei 2010, veur t eerst in de geskiedenis van FC Tweante, de laandstitel wun.

Nöast FC Tweante is Meunsterman ook nog veurzitter bie amateurklub vv ATC '65 oet Hengel.

Verwiezings[bewark | bronkode bewarken]

Bronnen / wellen:
  1. Het Jaar van JoopTV Oost 2007
  2. Wijzigingen Raad van Bestuur en Raad van Commissarissen, website Wegener, 27 juni 2008.
  3. Munsterman veroorzaakt scheuring, RTV Oost, 27 juni 2008.
  4. Loopgravenstrijd bij Wegener, De Pers 3 juli 2008