Jannes Slot

Uut Wikipedia, de vrye encyklopedy
Nå navigaty springen Nå söken springen

Jannes Slot (Enter, den 27. april 1922 - Almelo, den 27. february 2012) was nen twentsken politykearl, den as begün in Stokkum by Markel en vanaf 1970 grupskommandant was in Ryssen. Dårnöäst was hee skryver en dichter.

Slot skreav neaderlandske polityromans dee as altyd oaver Twente gåt. Ouk skreav hee vöäle gedichten, meysttyds in et entersk neadersassisk, mär mangs ouk in et ryssensk. Syne gedichten kümmen in et domålige Ryssens Nysblad. Later gavven hee dree dichtbündels uut in eygen beheyr: Kleine dinge (1980) , Met weinig weure (1990) en Dagdromen (2010).

In syne gedichten, dee meyst eynvoldig in mekander steaket, düt Slot oaver saken dee em nå an et härte ligt. Nen mooien summerdag, synen souvöälsten trouwdag, nen morgen hen visken. Vake sint et meyr körte verhaalkes dee skynbår tovallig rymet. Heyl sekuur was Slot neet med den förm: mangs wesselt syne gedichten van ne AABB-struktuur når ABAB, vryen form en weaderümme. De meyste gedichten, seaker do as Slot wat ölder wör, sint noch wa melancholisk van toun.

Wellicht upvallend is dat Slot neet strak vaste hölde an et entersk. Hee pasden syn woordgebruuk an når syn (vöärnamelik) ryssenske publik. Grouten invlood sal hebben eweasd dat Slot jåren in Ryssen ewarked hevt. In syn gedicht Aargernissen gebrukt hee selvs et enterske aargernis en et ryssenske oargernis döär mekander.

Uutgaven[bewark | bronkode bewarken]

  • Dichtbündel: Kleine dinge (198?)
  • Dichtbündel Met weinig weure (1990)
  • Book: Jachtschut zonder verleden (1996)
  • Book: De zwijgende verdachte (2005)
  • Dichtbündel: Dagdromen (2010)