Jan Jans (architekt)
Jan Jans (Almelo, 1 oktober 1893 - 21 februari 1963) was n Nederlaandse architekt mit n merakels grote belangstelling veur de kultuur van zien streek Twente en n spesialist op t gebied van de laandelike bouwkunst.
Biografie
[bewark | bronkode bewarken]Toen e n jaor of negentiene was, gung e naor Amsterdam en kwam in dienst bie architektenburo Gulden en Geldmaker (bekend van o.a. t Rozentheater). Hendrik Petrus Berlage was een van zien leermeesters. In zien leven hef e zwat tweeduzend tekeningen emaakt mit tekenstift. In 1928 gung in Almelo as zelfstaandig architect warken. Hij tekenden, ontwörp en restaureerden veule op t gebied van de laandelike bouwkunst (veurnal boerderiejen, mer oek bieveurbeeld de overkapping van t openlochttheater in Hertme). As aktief regionalist timmerden hij an de weg mit t houwen van lezingen, t beklejen van bestuursfunksies en t schrieven van artikels. Nao zien dood verschenen de standardwarken 'Landelijke bouwkunst in Oost-Nederland' en 'Gevel- en stiepeltekens in Oost-Nederland'.
Bie zien 25-jaorig jubileum as architekt in 1953 wördden de Jan-Jansstichting op-ericht, die noen zwat zien hele kolleksie tekeningen beheert (behalven ongeveer 300 tekeningen in t Rieksmuseum Twenthe).
De Healdernse dichteresse Johanna van Buren earden Jans met t gedicht Veur Jan Jans. Daoroet:
...
Woerum' hoalt dee ding' oew vaste,
Trekt dee prenten oew zo an?
't Is net of ze lèèft . . . is door de
Meisterhaand de schuld neet van?
Det Jan Jans nog mennig joor mag
Lèven en nog redden kan
Van het eigene van Twente,
Det zien hät' en haand verdan
Völle moois nog bouwt en tekent
In den oalen Twentschen stiel,
Twenter, den zien laand zoo leef hef,
Bouwmeister met hät' en zeel.
Familierelaties
[bewark | bronkode bewarken]Jan Jans was de jonge van Johan Wilhelm Jans en Gerharda Koedijk. Jan Jans trouwden in 1938 mit Irma Paulina Cammaert (St. Jansteen, 2 meert 1906 - Almelo, 3 november 1989). Ze kregen vier kienders. Zien jonge Everhard Jans stund bekend as spesialist en publisist op t gebied van de volkskultuur in Oost-Nederland en de angrenzende Duutse regio.
Sitaoten
[bewark | bronkode bewarken]- Een goed huis is een gebouwde glimlach
Publikasies
[bewark | bronkode bewarken]- Landelijke Bouwkunst in Overijssel, in: Overijssel, Deventer 1931, 238-254
- Oude landelijke bouwkunst in Oost-Overijssel en nieuwe problemen, in : Elseviers Maandschrift, 43, 1933, 383-392
- Bouwkunst en Cultuur, Amsterdam 1934
- Volkscultuur en bouwkunst, Amsterdam 1938
- Boer'nwiesheid en boer'nsprekwiezen (samen mit H. Klaassen). Almelo 1970
- Gevel- en stiepeltekens in Oost-Nederland (bewarkt deur Everhard Jans). Enschede 1977
- Landelijke bouwkunst in Oost-Nederland, Enschede 1967. (Mit bibliografie; dat leste is an-evuld in Dorpen in Oost-Nederland, Enschede 1991)
- Water- en windmolens in Oost-Nederland, uutgave van de Jan Jansstichting 2007
Uutgaonde verwiezing
[bewark | bronkode bewarken]
|
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze. |