Internetverwiezing

Uut Wikipedia, de vrye encyklopedy
Zo ziet een verwiezing der miestal uut

Een internetverwiezing (of körtweg: verwiezing) is een computer- en internetterm en duudt op een rifferentie die-j deursturen naor een aandere bladziede of webstee binnen een ypertekstdokement.

't Element dä-j activeren kunnen van de internetverwiezing wört 't anker enuump; miestal is dit een stukkien tekst, mär 't kan ok bieveurbield een knoppe, invulbaor veld, of plekke in een ofbielding wezen.

't Volgen van een internetverwiezing (bieveurbield deur derop te klikken) roept een aandere plekke in de ypertekst op, miestal een aandere bladziede. In interactieve naoslagwärken en elpsystemen, bieveurbield, bin de ankers vuulal termen, waor de op-eroepen bladziedes naodere uutleg over geven.

Vuul ypertekst is te verdielen in onofaankelijk onder-ollen verzämelingen "yperdokementen"; 't wereldwiede web bestet bieveurbield uut websteden. Disse dokementen ebben miestal een algemien veurblad (veurblad van een webstee). 't Mäken van internetverwiezingen naor aandere bladziedes as de beginbladziede wört diepverwiezen enuump.